ကုန်သွယ်မှုသတင်းများ
စားသောက်ဆိုင်များတွင် အသုံးပြုလျက်ရှိသော ဝါးတူများထုတ်လုပ်သည့်စက်ရုံမှ စွန့်ပစ်ပစ္စည်းများဖြစ်သော ဝါးဖတ်များနှင့်ဝါးဆစ်အတိုအစများကို ထင်းအစားထိုးလောင်စာအဖြစ် ပြန်လည်အသုံးပြုခြင်းအား အသုံးပြုသူများရော စက်ရုံပါ နှစ်ဦးနှစ်ဖက်အကျိုးဖြစ်ထွန်းစေပါသည်။
တောင်ငူမြို့ ညောင်ပင်ဈေးသည် ရာသီအလိုက်ပေါ်သည့် ဟင်းသီးဟင်းရွက်၊ အသားငါးပေါင်းစုံရောင်းချလျက်ရှိသည့် ကုန်စိမ်းဈေးကြီးဖြစ်ပါသည်။ ယခုအခါတွင် ပိန်းဥများပေါ်နေပြီ ဖြစ်၍ ရောင်းချနေပြီဖြစ်ပါသည်။
ပိန်းဥမှာ နူးညံ့ပြီး ဟင်းချက်စား၍လည်းကောင်း၊ အဆာပြေပြုတ်စား၍လည်းကောင်း၊ သီးစုံကုလားပဲဟင်းချက်စား၍လည်းကောင်း စားသုံးကြပါသည်။ ဟင်းချက်စားသည့်အရွယ် ဥကြီးနှင့် ပြုတ်စားသည့်အရွယ် ဥသေးဟူ၍ နှစ်မျိုးရှိသော်လည်း ဈေးနှုန်းမှာတူညီနေပါသည်။
တောင်ငူမြို့၊ ညောင်ပင်ဈေးရှိ ဟင်းသီးဟင်းရွက်အရောင်းဆိုင်များတွင် ယခင် စက်တင်ဘာလ နောက်ဆုံးအပတ်တွင် ငရုတ်သီးစိမ်း(ကုလေားအော်သီး)မှာ တစ်ပိဿာလျှင် ၁၀၀၀၀ကျပ်မှ ၁၂၀၀၀ ကျပ် အထိရှိရာမှ ယခုအောက်တိုဘာလ တတိယအပတ်တွင် တစ်ပိဿာလျှင် ၁၅၀၀၀ ကျပ်ရှိသဖြင့် တစ်ပိဿာလျှင် ၃၀၀၀ ကျပ်မှ ၅၀၀၀ ကျပ်အထိ ဈေးနှုန်းမြင့် တက်ပါသည်။
တောင်ငူခရိုင်၊ ဖြူးမြို့တွင် စပါးအသစ်များပေါ်နေပြီဖြစ်ရာ ဖြူးမြို့ပေါ်ရှိ ဆန်စက်များသို့အရောက် ဆင်းသုခစပါးတင်း ၁၀၀ လျှင် ၁၉၅၀၀၀၀ ကျပ်နှင့် နှံကောက်စပါး တင်း ၁၀၀ လျှင် ၁၈၅၀၀၀၀ ကျပ်ဖြင့် အရောင်းအဝယ်ဖြစ်လျက်ရှိပါသည်။
တောင်ငူခရိုင်၊ ဖြူးမြို့တွင် ယခုအောက်တိုဘာလ အစောပိုင်းတွင် ကြက်သွန်နီ တစ်ပိဿာလျှင် အသေး ၂၀၀၀ ကျပ်၊ အလတ် ၂၄၀၀ ကျပ်၊ အကြီး ၂၈၀၀ ကျပ်ရှိရာမှ ယခုအောက်တိုဘာလ တတိယ အပတ်တွင် တစ်ပိဿာလျှင် အသေး ၂၄၀၀ ကျပ်၊ အလတ် ၂၈၀၀ ကျပ်၊ အကြီး ၃၀၀၀ ကျပ်ဖြင့် ဈေးနှုန်း ၂၀၀ ကျပ်မှ ၄၀၀ ကျပ် အထိ မြင့်တက်ပါသည်။
