ပြည်ပကုန်သွယ်မှုသတင်းများ
၂၀၂၄ခုနှစ်၊ ဩဂုတ်လတွင် အင်ဒိုနီးရှားနိုင်ငံ၏ ကုန်သွယ်ရေးပိုငွေ အမေရိကန်ဒေါ်လာ ၂.၉ဘီလီယံရရှိခြင်းသည် နိုင်ငံတော်၏ နိုင်ငံခြားငွေလဲလှယ်မှုအရင်းမြစ်ကို ကွဲပြားစွာထားရှိသည့် အစိုးရ၏အောင်မြင်မှုရလဒ်ဖြစ်ကြောင်း ဘဏ္ဍာရေးဝန်ကြီးဌာန၏ ဘဏ္ဍာရေးမူဝါဒ အေဂျင်စီအကြီးအကဲ Febrio Kacarium က ပြောကြားခဲ့ပါသည်။ ၁၇-၉-၂၀၂၄ ရက်နေ့တွင် ကျင်းပပြုလုပ်ခဲ့သည့် ၂၀၂၅ခုနှစ် နိုင်ငံတော်ဘက်ဂျက်အစည်းအဝေးတက်ရောက်အပြီးတွင် Kacarium က ပိုငွေရရှိမှုသည် တရုတ်နိုင်ငံ၏ စီးပွားရေးအားနည်းမှုကြောင့် လက်တလော ကမ္ဘာ့စီးပွားရေးအခြေအနေမသေချာမရေရာမှုကို အင်ဒိုနီးရှာက ကျော်လွှားနိုင်သည့် လက္ခဏာဖြစ်ကြောင်းပြောကြားခဲ့
ကမ္ဘောဒီးယားနိုင်ငံဖွံ့ဖြိုးတိုးတက်ရေးကောင်စီ (CDC) မှ ဝန်ကြီးချုပ်ယွန်မာနက်၏ ဦးဆောင်မှုဖြင့် ကမ္ဘောဒီးယားတော်ဝင်အစိုးရ (RGC) သည် တစ်နှစ်တာကာလအတွင်း ရင်းနှီးမြှုပ်နှံမှုမတည်ငွေ ကန်ဒေါ်လာ ၇.၅ဘီလီယံကိုဆွဲဆောင်နိုင်ခဲ့ပြီး ယခင်အစိုးရလက်ထက် အလားတူကာလနှင့်နှိုင်းယှဉ်ပါက ၁၆၁% မြင့်တက်လာကြောင်းသိရသည်။
ကမ္ဘာလုံးဆိုင်ရာထုတ်လုပ်မှုကျဆင်းမှု၊ ကုန်စည်ပို့ဆောင်မှုမြင့်တက်မှုနှင့် နှစ်ကုန် အားလပ်ရက်နီးကပ်လာမှုတို့ကြောင့် အမေရိကန်ကုမ္ပဏီများသည် ဗီယက်နမ် ပုစွန်ဈေးကွက်မှ ဝယ်ယူရန် စိတ်အားထက်သန်လျက်ရှိကြောင်း ဗီယက်နမ်ပင်လယ်စာတင်ပို့ရောင်းချသူများနှင့် ထုတ်လုပ်သူများအသင်း (VASEP) ထံမှသိရသည်။
ပါကစ္စတန်နိုင်ငံသည် ရာသီဥတုအခြေအနေ၊ လယ်ယာသွင်းအားစုရရှိမှုနှင့် ဘာစမာတီမဟုတ်သော အိန္ဒိယဆန်တင်ပို့မှုပိတ်ပင်ထားခြင်းတို့ကြောင့် ပထမဆုံးအကြိမ်အဖြစ် ဆန်တင်ပို့ မှုမှာ အမေရိကန်ဒေါ်လာ ၃.၈၉ဘီလီယံအထိရှိလာခဲ့ကြောင်းသိရသည်။
ပါကစ္စတန်ဆန်တင်ပို့သူများအသင်း (Reap) တည်ထောင်သူ Shehzad Ali Malik က Reap ဥက္ကဋ္ဌအသစ် Milik Faisal Jahangir အား တနင်္လာနေ့က ရွေးကောက်ပွဲကြေညာနေစဉ် ယခုကဲ့သို့ ပြောကြားခဲ့ခြင်းဖြစ်သည်။
အင်ဒိုနီးရှားနိုင်ငံရင်းနှီးမြှုပ်နှံမှုဝန်ကြီး Rosan Roeslani က ပြည်ပရင်းနှီးမြှုပ်နှံသူများ နိုင်ငံ၏ပြန်လည်သုံးစွဲနိုင်သော စွမ်းအင်ကဏ္ဍတွင် ရင်းနှီးမြှုပ်နှံရန်နှင့် ဆွဲဆောင်နိုင်ရန် ပံ့ပိုးပေးမည့် ဝန်ဆောင်မှုကဏ္ဍများနှင့် အုပ်ချုပ်မှုလိုအပ်ကြောင်းပြောကြားခဲ့ပါသည်။ ရင်းနှီးမြှုပ်နှံသူများ ရင်းနှီးမြှုပ်နှံရန်အတွက် အဓိကဦးစားပေးထဲမှ တစ်ခုမှာ သဘာဝပတ်ဝန်းကျင်အပေါ် အကျိုးပြုသည့် အုပ်ချုပ်မှုအမူအကျင့်ဖြစ်ကြောင်းနှင့် အကယ်၍ ၎င်းတို့သည် လျှပ်စစ်ကားကို အင်ဒိုနီးရှားနိုင်ငံ၌ ထုတ်လုပ်ပါက ၎င်းတို့၏ထုတ်လုပ်မှုသည် သန့်စင်သောစွမ်းအင်ကို အသုံးပြုရမည်ဟု ဝန်ကြီးက ၁၇-၉-၂၀၂၄ ရက်နေ့
အင်ဒိုနီးရှားကုန်သွယ်ရေးပိုငွေသည် သုံးလအတွင်း အမြင့်ဆုံးသို့ရောက်ရှိခဲ့ပြီး ကုန်တင်ပို့မှုသည် မျှော်မှန်းထားသည်ထက်ပိုမိုတင်ပို့ခဲ့ရကြောင်း အင်္ဂါနေ့တွင် ထုတ်ပြန်သော အချက်အလက်များအရသိရှိရပါသည်။ ယင်းအချက်အလက်များမှာ အင်္ဂါနေ့မှစတင်သည့် နှစ်ရက်တာ မူဝါဒအစည်းအဝေးအတွင်း ဗဟိုဘဏ်မှခွဲခြားစိတ်ဖြာမည့် စီးပွားရေးညွှန်းကိန်းများထဲမှ စစ်တမ်းတစ်ခုဖြစ်ပါသည်။ အင်ဒိုနီးရှားဘဏ် (BI) သည် ယခုကုန်သွယ်ရေးအချက်အလက်များမတိုင်မီ REUTERS မှ စစ်တမ်းကောက်ယူခဲ့သော ဘောဂဗေဒပညာရှင်များက အတိုးနှုန်းမပြောင်းလဲဘဲထားရှိရန်အတွက် မျှော်မှန်းထားကြောင်းသိရှိရပါသည်။ ကမ္ဘာ့ထိပ်တန်းကုန်သွယ်ရေးခန်းမှန်းသူများက ဓ
အိန္ဒိယနိုင်ငံတွင် စပါးဈေးနှုန်းများကျဆင်းမှုကြောင့် ဖိအားများနှင့်ကြုံတွေ့ခဲ့ရပြီးနောက် ဘာစမာတီဆန် တင်ပို့မှုအပေါ် ချမှတ်ထားသည့် အနိမ့်ဆုံးပို့ကုန်ဈေးနှုန်း (minimum export price ̶ MEP) ၁ တန်လျှင် ဒေါ်လာ ၉၅၀ နှုန်းသတ်မှတ်ချက်ကို အစိုးရက ပယ်ဖျက်ခဲ့သည်။
ကမ္ဘောဒီးယားနိုင်ငံအနေဖြင့် ဆန်ဈေးကွက် ချဲ့ထွင်နိုင်ရန်အတွက် ဒေသတွင်းရှိ နိုင်ငံအချို့နှင့် ညှိနှိုင်းဆွေးနွေးလျက်ရှိသည်ဟု စီးပွားရေးနှင့်ကူးသန်းရောင်းဝယ်ရေးဝန်ကြီး Cham Nimul က စက်တင်ဘာ ၁၀ ရက်နေ့တွင် ပြောကြားခဲ့ပါသည်။
မလေးရှားအစိုးရ အနေဖြင့် စိုက်ဧကကြီးမားကျယ်ပြန့်စွာ စပါးစိုက်ပျိုးမှု အစီအစဉ်အား ပထမအဆင့် စတင်ဖော်ဆောင်မှုနှင့်အတူ စိုက်ပျိုးရေးကဏ္ဍတွင် မလေးရှားရင်းဂစ်ငွေ ၅ ဘီလီယံ တန်ဖိုးရှိသည့် စီမံကိန်းကြီးများ အမြောက်အမြားကို စီစဉ်ဆောင်ရွက်လျက်ရှိကြောင်း ဝန်ကြီးချုပ် Datuk Seri Anwar Ibrahim က ပြောကြားခဲ့ပါသည်။
ကမ္ဘောဒီးယားနိုင်ငံ၏ ဆန်စပါးထုတ်လုပ်မှုကဏ္ဍ ရေရှည်တည်တံ့ ဖွံ့ဖြိုးရေးနှင့် တိုးတက်ရေးကို ပံ့ပိုးပေးမှုနှင့်အတူ ကမ္ဘောဒီးယား ဆန်တင်ပို့သူများ၏ တန်ဖိုးမြင့် လယ်ယာထွက်ကုန်များအတွက် ကမ္ဘာ့ဈေးကွက်များ ရှာဖွေရာတွင် ကူညီပေးမည်ဖြစ်ကြောင်း ကမ္ဘောဒီးယားနိုင်ငံဆိုင်ရာ သြစတြေးလျသံအမတ်ကြီး Derek Yip က ဖနွမ်းပင်မြို့တွင် စက်တင်ဘာ ၁၀ ရက်နေ့၌ ကျင်းပခဲ့ သည့် (၇) ကြိမ်မြောက် ကမ္ဘောဒီးယားဆန်စပါးညီလာခံ (၂၀၂၄) ဖွင့်ပွဲအခမ်းအနားတွင် ပြောကြားခဲ့ပါသည်။
ထိုင်းဘတ်ငွေတန်ဖိုးသည် ခိုင်မာအားကောင်းလျက်ရှိပြီး အိန္ဒိယနိုင်ငံအနေဖြင့် ယခုနှစ် နှစ်ကုန်ပိုင်းတွင် ဆန်တင်ပို့မှုကန့်သတ်ချက်များကို ဖြေလျှော့ပေးဖွယ်ရှိခြင်းကြောင့် ထိုင်းဆန်၏ ဈေးကွက်ယှဉ်ပြိုင်နိုင်စွမ်း နည်းပါးမည့်အခြေအနေရှိပြီး ထိုင်းနိုင်ငံ၏ ဆန်တင်ပို့မှုမှာ ရှေ့လာမည့် နှစ်၌ တန်ချိန် ၈ သန်းအောက် လျော့ကျနိုင်ကြောင်း Bangkok Post သတင်းဌာနက ဖော်ပြထား ပါသည်။
အင်ဒိုနီးရှားနိုင်ငံပိုင် ဝယ်ယူရေးအေဂျင်စီဖြစ်သော Bulog ကုမ္ပဏီသည် ဆန်ကွဲ ၅ ရာခိုင် နှုန်းပါဝင်သော ဆန်ဖြူမက်ထရစ်တန် ၄၅၀၀၀၀ ဝယ်ယူရန်အတွက် ယခုနှစ်အတွင်း အဋ္ဌမအကြိမ် မြောက် ဆန်အဝယ်တင်ဒါခေါ်ယူမှုကို စက်တင်ဘာ ၁၂ ရက်နေ့တွင် ကြေညာခဲ့ကြောင်း S&P Global သတင်းဝက်ဘ်ဆိုက်က ဖော်ပြပါသည်။
