ပြည်ပကုန်သွယ်မှုသတင်းများ

          ကမ္ဘောဒီးယားနိုင်ငံ၏ ကုန်ထုတ်လုပ်မှုသည် ၂၀၂၄ ခုနှစ်တွင် ကန်ဒေါ်လာ ၁၅ ဘီလီယံ အထိရှိခဲ့ကြောင်း စက်မှု၊ သိပ္ပံ၊ နည်းပညာနှင့် ဆန်းသစ်တီထွင်မှု ဝန်ကြီးဌာန (MISTI) ၏ အစီရင်ခံစာတွင် ဖော်ပြထားသည်။ အမေရိကန်ဒေါ်လာ ၄ ဘီလီယံနီးပါး တန်ဖိုးရှိ ထုတ်ကုန်များ ကို ပြည်တွင်းဈေးကွက်သို့ တင်ပို့ခဲ့ပြီး ကန်ဒေါ်လာ ၁၁ ဘီလီယံ တန်ဖိုးရှိ အခြားထုတ်ကုန်များကို ပြည်ပနိုင်ငံများသို့တင်ပို့ခဲ့ကြောင်း အစီရင်ခံစာတွင်ဖော်ပြထားသည်။ ၂၀၂၄ ခုနှစ်အတွင်း စက်ရုံပေါင်း ၃၂၆ ရုံကိုတည်ဆောက်နိုင်ခဲ့ပြီး စုစုပေါင်းရင်းနှီးမြှုပ်နှံမှု ကန်ဒေါ်လာ ၂၀ ဘီလီယံဖြင့် စာရင်းသွင်းထားသည့် စက်ရုံစုစုပေါင်း ၂,၄၂၅ ရုံရှိက

          ထိုင်းလယ်သမားများ၏ စပါးဈေးနှုန်း အာမခံချက်ပေးရန် သို့မဟုတ် ထောက်ပံ့ကြေးနှင့် နစ်နာမှု လျော်ကြေးငွေများ ပေးအပ်ရန် တောင်းဆိုမှုသည် ၂၀၂၃ ခုနှစ် နိုဝင်ဘာလ ၂၁ ရက်နေ့၌ ချမှတ်ခဲ့သော ထိုင်းအစိုးရအဖွဲ့၏ ဆုံးဖြတ်ချက်နှင့် ဆန့်ကျင်လျက်ရှိသဖြင့် ဆန်စပါးမူဝါဒ ဆပ်ကော်မတီသည် ၎င်းတို့၏ အရေးဆိုမှုကို ပယ်ချလိုက်သည်ဟု ထိုင်းပြည်တွင်းကုန်သွယ်ရေး ဦးစီးဌာနမှ ညွှန်ကြားရေးမှူးချုပ် Wittayakorn Maneenet က ပြောကြားခဲ့သည်။

          တရုတ်နိုင်ငံမှ သကာရည် တင်သွင်းခွင့်ကို တားမြစ်ထားမှုကြောင့် ထိုင်းကုမ္ပဏီများ အနေ ဖြင့် ယခင်ခန့်မှန်းထားသည်ထက် နှစ်ဆပိုများသည့် ဘတ်ငွေ သန်းနှစ်ထောင်ခန့် ဆုံးရှုံးနေရကာ လာမည့်လမှစ၍ လုပ်ငန်းများ ပိတ်သိမ်းရတော့မည်ဖြစ်ပြီး အဆိုပါတားမြစ်မှုကို ရုတ်သိမ်းရန် အတွက် ထိုင်းအရာရှိများဘက်မှ ညှိနှိုင်းဆွေးနွေးမှုများ ပြုလုပ်ခဲ့သော်လည်း မည်သည့်အကျိုး သက်ရောက်မှုမျှ မရှိခဲ့ကြောင်း ထိုင်းသကာရည်နှင့် သကြားလုပ်ငန်းနယ်ပယ်မှ တာဝန်ရှိသူ တစ်ဦးက ပြောကြားခဲ့သည်။

          နိုင်ဂျီးရီးယားနိုင်ငံ၌ ဗဟိုအစိုးရ၏ ထောက်ပံ့မှုနှင့် ဈေးကွက်ဝင်ရောက်ထိန်းကျောင်းမှုများ ရှိနေသော်လည်း ၂၀၂၅ ခုနှစ်တွင် စိုက်ပျိုးထုတ်လုပ်မှု ကျဆင်းမှုအရ ပြည်တွင်း၌ တန်ဖိုးအားဖြင့် နိုင်ရာငွေ ၁.၄၃ ထရီလီယံ (ဒေါ်လာ ၉၅၇.၅၄ သန်း) ခန့်ရှိသော ဆန်တန်ချိန် ၂.၁၈  သန်းခန့်အထိ ပြတ်လပ်မည့် စိုးရိမ်ဖွယ်အခြေအနေရှိသည်ဟု New Telegraph နိုင်ဂျီးရီးယား သတင်းဝက်ဘ် ဆိုက်က ဖော်ပြပါသည်။

          နယူးယောက်တွင်နိုင်ငံ၏ အကြီးဆုံးအီလက်ထရွန်နစ်စီးကရက် ဖြန့်ဖြူးရောင်းချသူ အချို့အား ကလေးများအတွက် ဆွဲဆောင်မှုရှိသော Vaping အရသာနှင့် ဒီဇိုင်းများ‌‌ ရောင်းချခြင်းအားတားမြစ် သည့်နိုင်ငံတော်ဥပဒေကိုချိုးဖောက်သည်ဟု စွပ်စွဲကာ ကုမ္ပဏီများကို ဖေဖော်ဝါရီ ၁၃ ရက်နေ့က တရားစွဲဆိုခဲ့သည်။ Puff Bar နှင့် Elf Bar ကဲ့သို့သော အသီးအနှံများနှင့် သကြားလုံးအရသာ အီး-စီးကရက်များကို ပြည်နယ်အနှံ့ရှိဓာတ်ဆီဆိုင်များနှင့် ကုန်စုံဆိုင်များတွင် ဖြန့်ချီလျှက်ရှိသော ကြားဖြန့်ဝေသူများအား ပစ်မှတ်ထားသည့် တရားစွဲဆိုမှုကို ရှေ့နေချုပ် Letitia James က ကြေညာခဲ့ သည်။ Juul Labs ကဲ့သို့သော Vaping ထုတ်လုပ်သူ