၂၀၂၁ခုနှစ်၊ဒီဇင်ဘာလ(၂၄)ရက်နေ့၊မွန်းလွဲ(၂း၀၀)နာရီအချိန်တွင် မြိတ်ခရိုင်အစားအသောက် နှင့် ဆေးဝါးကြီးကြပ်ကွပ်ကဲရေးကော်မတီဝင်များ ဖြစ်ကြသော ခရိုင်ပြည်သူ့ကျန်းမာရေးဦးစီးဌာန၊ ခရိုင်စီမံအုပ်ချုပ်ရေးအဖွဲ့၊ ခရိုင်အစားအသောက်နှင့်ဆေးဝါးကွပ်ကဲရေးဦးစီးဌာန၊ ခရိုင်စားသုံးသူ ရေးရာဦးစီးဌာန၊ မြို့နယ်စည်ပင်စသော သက်ဆိုင်ရာဌာန/ အဖွဲ့များပူးပေါင်းပြီး မြိတ်မြို့၊ ကလွင် ကျေးရွာအုပ်စု၊ စည်ပင်အမှိုက်စွန့်ကန်၌ AA Medical Product Co,ltd(Myeik)မှ သက်တမ်း ကုန်နေသော ဓါတုဆေးဝါးများနှင့်ပျက်စီးဆေးဝါးများအား မီးရှို့ဖျက်ဆီးခဲ့ကြပါသည်။
မီးရှို့ဖျက်ဆီးရာတွင် သက်တမ်းကုန်နေသော အိမ်သုံးဓါတုဆေးများနှင့် ပျက်စီးနေသော ဓါတုဆေးဝါး(၃၇)မျိုးပါဝင်ပြီး စုစုပေါင်းမီးရှို့ဖျက်ဆီးခဲ့သော ဓါတုဆေးဝါးများ၏ တန်ဖိုးငွေ ကျပ် (၅၈၆၄၂၁၈)ခန့် ရှိကြောင်း သတင်းရရှိခဲ့ပါသည်။
DOCA(တနင်္သာရီ)