စစ်တွေမြို့ရှိ နေအိမ်/အဆောက်အဦး ဆောက်လုပ်ရေးလုပ်ငန်းများသည် ယခုအချိန်တွင် ပြန်လည်စတင်လုပ်ကိုင်လာကြပြီဖြစ်ပါသည်။ စစ်တွေမြို့သည် ယခင်က လူနေမှုအဆင့်အတန်းရိုးရှင်းခြင်း နေအိမ်အဆောက်အဦး ဆောက်လုပ်ရာတွင် ရခိုင်ပြည်နယ်၏ သယံဇာတထွက်ကုန်ဖြစ်သော ဝါး/သစ်များကိုသာ အဓိကထားသုံးစွဲခြင်းကြောင့် အထပ်မြင့်အဆောက်အဦးများ ဆောက်လုပ်မှုမရှိသလောက်နည်းပါးခဲ့သည်။ ယခင်က နေအိမ်များ ဆောက်လုပ်လိုသူများသည် မိမိကိုယ်တိုင် တည်ဆောက်ရေးပစ္စည်းများ ဝယ်ယူစုဆောင်ခြင်း/လုပ်သားများရှာဖွေရခြင်း အခက်အခဲများ ကြုံတွေ့လာရပါသည်။ ယခုအခါတွင် စစ်တွေမြို့သည် လူနေမှုအဆင့်တန်းများ ခေတ်မီမြင့်မားလာခြင်းကြောင့် နေအိမ်များ/အထပ်မြင့် အဆောက်အဦးများ တည်ဆောက်ရာတွင် မိမိလိုချင်သော ပုံစံဒီဇိုင်းများ ဒီဇိုင်ရေးဆွဲသူနှင့် ဆောက်လုပ်ရေးကန်ထရိုက်တာလုပ်ငန်းရှင်များထံအပ်နှံခြင်း/ နေအိမ်အလှဆင်လုပ်ငန်းလုပ်ကိုင်သူများထံ၌ အပ်နှံဆောက်လုပ်လာကြပါသည်။ ၂၀၂၁ခုနှစ် အောက်တိုဘာလဆန်းမှစ၍ ကန်ထရိုက်တာဈေးနှုန်းများအနေဖြင့် စစ်တွေမြို့တွင် တစ်စတုရန်းတစ်ပေလျှင် (ရေ၊မီး၊ဆေးသုတ်)အပါအဝင် ကျပ်-၆၀၀၀၀၊ (ရေ၊မီး)မပါ (ဆေးသုတ် ပါဝင်) ကျပ်-၅၀၀၀၀ နှုန်းဖြင့် လုပ်ကိုင်လျက်ရှိကြရာတွင် ကုမ္ပဏီများအနေဖြင့် ၂၀၂၂ခုနှစ် ဇန်နဝါရီလဆန်းမှစ၍ စစ်တွေမြို့တွင်း လုပ်ငန်းခွင်အရောက် အခြေခံဆောက်လုပ်ရေးပစ္စည်းများဖြစ်သော အုတ်တစ်ချပ်လျှင် ကျပ်-၁၅၀၊ သဲ(ရေချို) တစ်ကျင်း- ကျပ်-၄၀၀၀၀ ၊ သဲ (ရေငန်) တစ်ကျင်း ကျပ်-၃၅၀၀၀၊ ကျောက်စရစ်တစ်ကျင်း ကျပ်-၈၀၀၀၀၊ ဘိလပ်မြေ(ပြည်တွင်း) တစ်အိတ် ကျပ်-၈၈၀၀/၉၀၀၀၊ ဘိလပ်မြေ(ပြည်ပ)တစ်အိတ်လျှင် ကျပ်-၁၃၀၀၀/၁၄၀၀၀၊ ၁၂-မီလီမီတာ သံချောင်း (ပြည်တွင်း) တစ်တန် ကျပ်-၉၀၀၀၀၀၊ ၁၆-မီလီမီတာသံချောင်း(ပြည်တွင်း) တစ်တန် ကျပ်-၁၀၀၀၀၀၀၊ ၁၂၊၁၆ မီလီမီတာသံချောင်း (ပြည်ပ) တစ်တန် ကျပ်-၁၁၀၀၀၀၀၊ သံခွေ၂၀ ခွေတစ်တန် ကျပ်-၂၀၀၀၀၀၀၊ ဈေးနှုန်းများဖြင့် လုပ်ကိုင်ဆောင်ရွက်နေကြပြီး အခြေခံလုပ်သားများအား တစ်နေ့လျှင် လုပ်အားခ အမျိုးသမီး ကျပ်-၈၀၀၀၊ အမျိုးသား ကျပ်_၁၀၀၀၀ ဖြင့် ဒေသခံလုပ်သားများအပြင် တစ်ခြားတိုင်းဒေသကြီး/ပြည်နယ်များမှ လုပ်သားအများအပြား ဝင်ရောက်လုပ်ကိုင်လျှက်ရှိပြီး အလုပ်အကိုင်များ ပိုမိုရရှိလာပါကြောင်း သိရှိရပါသည်။
စားသုံးသူရေးရာဦးစီးဌာန
ရခိုင်ပြည်နယ်