စားသုံးသူရေးရာဦးစီးဌာန၊ မကွေးတိုင်းဒေသကြီး၊ မင်းဘူးခရိုင်၊ မင်းဘူးမြို့နယ်တာဝန်ခံ ဦးမြင့်ကြည် နှင့်ဝန်ထမ်းများသည် (၂၈.၁.၂၀၂၃)ရက်နေ့၊ နံနက်(၀၉:၀၀)နာရီအချိန်တွင် အစားအသောက်နှင့်ဆေးဝါးကွပ်ကဲရေးဦးစီးဌာန၊ ပြည်သူ့ကျန်းမာရေးဦးစီးဌာန၊ မြို့နယ်စည်ပင်သာယာရေးအဖွဲ့၊ မြန်မာနိုင်ငံရဲတပ်ဖွဲ့နှင့် မြို့နယ်အထွေထွေအုပ်ချုပ်ရေးဦးစီးဌာနတို့ပူးပေါင်း၍ မင်းဘူးမြို့မဈေးအတွင်း/အပြင်ရှိ စားသုံးဆီရောင်းချနေသော ဆီဆိုင်များ၊ ကုန်စုံဆိုင်များတွင် တရားမဝင်တင်သွင်းလာသည့် "ပုဇွန်" အမှတ်တံဆိပ်ပါစားသုံးဆီများ ဈေးကွက်အတွင်းရောင်းချမှုရှိ/မရှိ ကွင်းဆင်းစစ်ဆေးခဲ့ပါသည်။
ထိုသို့ကွင်းဆင်းစစ်ဆေးရာတွင် မင်းဘူးမြို့မဈေးတွင်တရားမဝင်တင်သွင်းလာသည့်"ပုဇွန်" အမှတ်တံဆိပ်ပါစားသုံးဆီများ ဈေးကွက်အတွင်းရောင်းချခြင်းမရှိကြောင်းတွေ့ရှိခဲ့ရပြီး အစားအသောက်နှင့်ဆေးဝါးကွပ်ကဲရေးဦးစီးဌာန(FDA)မှ ဈေးကွက်အတွင်းရောင်းချနေသော စားသောက်ကုန်များအား စားသုံးရန်သင့်/မသင့် ဓာတ်ခွဲစမ်းသပ်နိုင်ရေးအတွက် နမူနာဝယ်ယူခဲ့ကြောင်း သိရှိရပါသည်။
DOCA(မကွေး)