မွန်ပြည်နယ်၊ ဘီးလင်းမြို့နယ်၊ စားသုံးသူရေးရာဦးစီးဌာန၊ မြို့နယ်တာဝန်ခံရုံးမှ ဝန်ထမ်းများသည် (၄.၁၂.၂၀၂၃) ရက်နေ့တွင် မြို့နယ်ရဲတပ်ဖွဲ့၊ မြို့နယ်ပြန်ကြားရေးနှင့် ပြည်သူ့ဆက်ဆံရေး ဦးစီးဌာနနှင့် ကျေးရွာအုပ်ချုပ်ရေးမှူးတို့ ပူးပေါင်း၍ ဘီးလင်းမြို့နယ်ရှိ ရပ်ကွက် ကုန်စုံဆိုင်နှင့် နှင်းပုလဲကျေးရွာရှိ ကုန်စုံဆိုင်များကို သွားရောက်၍ အသင့်သောက်အချိုရည်အမျိုးမျိုး တို့အား ဈေးကွက်စောင့်ကြည့်စစ်ဆေးခဲ့ပြီး ရောင်းချနေသော အသင့်သောက်အချိုရည်အမျိုးမျိုးတွင် ကုန်အညွှန်းအမှတ်အသားပြည့်စုံစွာ ဖော်ပြခြင်း ရှိ/မရှိ စစ်ဆေးခြင်း၊ သတ်မှတ်စံချိန်စံညွှန်းနှင့် ကိုက်ညီမှုမရှိသော စားသုံးသူများကို ဘေးအန္တရာယ်ဖြစ်စေနိုင်သော အသင့်သောက်အချိုရည်များ ဈေးကွက်အတွင်း ရောင်းချမှု ရှိ/မရှိကို စစ်ဆေးခဲ့ရာ ဘေးအန္တရာယ်ကင်းသော အသင့်သောက် အချိုရည်များကိုသာ ဈေးကွက်အတွင်း တင်သွင်းရောင်းချနေကြောင်း သိရှိရပြီး စားသုံးသူများ ဘေးအန္တရာယ်ကင်းစေရေးအတွက် ကုန်အညွှန်းအမှတ်အသား ပြည့်စုံစွာ ဈေးကွက်အတွင်း ဖြန့်ဖြူးရောင်းချစေရန်အတွက် အသိပညာပေးဆွေးနွေး၍ စီးပွားရေးလုပ်ငန်းရှင်များ လိုက်နာရမည့် အချက်များနှင့် ပတ်သက်သည့် လက်ကမ်းစာစောင်များအား ပေးအပ်ခဲ့ပါကြောင်း သတင်းရရှိပါသည်။
DOCA(မွန်)