မွန်ပြည်နယ်၊ ကျိုက်မရောမြို့နယ်၊ ပြန်ကြားရေးနှင့်ပြည်သူ့ဆက်ဆံရေးဦးစီးဌာနနှင့် စားသုံးသူရေးရာဦးစီးဌာနတို့ ပူးပေါင်း၍ ၁၁.၁.၂၀၂၂ရက်နေ့ နံနက်(၉:၃၀)နာရီက ကျိုက်မရောမြို့နယ်၊ ပြန်ကြားရေးနှင့်ပြည်သူ့ဆက်ဆံရေးဦးစီးဌာနရုံးတွင် စားသုံးသူကာကွယ်ရေး အသိပညာပေးခြင်းမှ “ကုန်အညွှန်းအမှတ်အသားအကြောင်းသိကောင်းစရာခေါင်းစဉ်ဖြင့်”(Talk Show) ဆွေးနွေးပွဲကျင်းပပြုလုပ်ခဲ့ပါသည်။
ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှဦးစီးအရာရှိဒေါ်ချိုမြတ်မြတ်ထွေးက“ကုန်အညွှန်းအမှတ်အသားအကြောင်း သိကောင်းစရာခေါင်းစဉ်ဖြင့်”(Talk Show) ပြုလုပ်ရခြင်း၏ ရည်ရွယ်ချက်အား ရှင်းလင်းဆွေးနွေးပြီး မွန်ပြည်နယ်စားသုံးသူရေးရာဦးစီးဌာနမှ ဦးစီးမှူး ဒေါ်တိုးတိုးယဉ်နှင့် ကျိုက်မရောမြို့နယ်ရုံးတာဝန်ခံ ဦးအောင်ညီညီခန့်က စားသုံးသူများ၊ လုပ်ငန်းရှင်များသိရှိကြစေရန် “ကုန်အညွှန်းအမှတ်အသားသိကောင်းစရာ”၏ အကြောင်းအရာများအား ဆွေးနွေးပါသည်။ ၎င်းဆွေးနွေးချက်များမှာ စားသုံးသူကာကွယ်ရေးဥပဒေ ၂၀၁၉ခုနှစ် မတ်လ ၁၅ရက်တွင်ပြဌာန်းထားသော ဥပဒေအခန်း(၁၈)၊ ပုဒ်မ၄၁တွင် စီးပွားရေးလုပ်ငန်းရှင်သည် ကုန်အညွှန်းအမှတ်အသားဖော်ပြခြင်းနှင့်စပ်လျဉ်း၍ ကုန်စည်အမျိုးအစားအလိုက် သတ်မှတ်ချက်များနှင့်အညီ သိသာထင်ရှားစွာဖော်ပြရမည့် အချက်အလက်များအား ရှင်းလင်းပြောကြားခဲ့ပြီး စီးပွားရေးလုပ်ငန်းရှင်များအနေဖြင့်မဖြစ်မနေ ထင်ရှားစွာဖော်ပြရမည့် လိုက်နာဆောင်ရွက်ရန် အဓိကအချက်များကိုလည်း အထူးသတိထားစေလိုကြောင်း၊ယင်းတို့မှာ ပုဒ်မ၄၁၊ ပုဒ်မခွဲ(ခ)ကုန်စည်၏အမျိုးအမည်၊ အရွယ်အစား၊ အရေအတွက်နှင့်အသားတင်ပမာဏ၊ ထားသိုသိမ်းဆည်းမှုအညွန်း၊ သုံးစွဲပုံနည်းလမ်းနှင့်ပုဒ်မ၄၁၊ ပုဒ်မခွဲ(ဆ)ကျန်းမာရေးဆိုင်ရာ ဘေးထွက်ဆိုးကျိုး သို့မဟုတ် ဓါတ်မတည့်ကြောင်းဖော်ပြချက်နှင့်ကြိုတင်သတိပေးချက်တို့အားမည့်သည့်စီးပွားရေးလုပ်ငန်းရှင်မဆို ဖော်ပြခဲ့သည့် ပုဒ်မ၄၁၊ ပုဒ်မခွဲ(ခ)နှင့်(ဆ)တို့ပါ ကုန်အညွှန်းအမှတ်အသားဖော်ပြရာတွင် မြန်မာဘာသာဖြင့်ဖြစ်စေ၊ မြန်မာဘာသာနှင့် အခြားဘာသာတစ်ခု သို့မဟုတ် တစ်ခုထက်ပို၍ တွဲလျက်ဖြစ်စေ ရေးသားဖော်ပြရမည်တို့ဖြစ်ကြောင်းတို့အား ဆွေးနွေးခဲ့ကြကြောင်းသိရှိရသည်။ အဆိုပါ “ကုန်အညွှန်းအမှတ်အသား အကြောင်းသိကောင်းစရာ” (Talk.Show) အစီအစဉ်အားကျိုက်မရောမြို့နယ်၊ ပြည်သူ့ စာကြည့်တိုက် Facebook page စာမျက်နှာတွင် ဝင်ရောက်ကြည့်ရူလေ့လာနိုင်ကြောင်းသိရှိရသည်။
စားသုံးသူရေးရာဦးစီးဌာန
မွန်ပြည်နယ်