ရန်ကုန်တိုင်းဒေသကြီး၊ တွံတေးခရိုင်၊ ကော့မှူးမြို့နယ်အတွင်းရှိ အထွေထွေ အုပ်ချုပ်ရေး ဦးစီးဌာန၊ ခေတ္တမြို့နယ် စီမံအုပ်ချုပ်ရေး အဖွဲ့ဥက္ကဌနှင့် အဖွဲ့ဝင်များ စိုက်ပျိုး ကြီးကြပ်ရေးကော်မတီမှ တာဝန်ရှိသူများ မြို့နယ်စက်သုံးဆီစိစစ်ရေးအဖွဲ့မှ တာဝန်ရှိသူများ သည် ဒီဇင်ဘာလ (၁၅) ရက်နေ့၊ နံနက် (၁၀:၀၀) နာရီတွင် မြို့နယ်အုပ်ချုပ်ရေးမှူး ရုံးခန်းမ၌ ဆောင်းသီးနှံထပ်သီးညှပ်စိုက်ပျိုးရန်လျား ထားဧကပြည့် မီအောင်စိုက်ပျိုးနိုင်ရေးအတွက် လုပ်ငန်းညှိနှိုင်းအစည်းအဝေးကျင်းပခဲ့ကြောင်း သိရပါသည်။
အစည်းအဝေးသို့ ခေတ္တမြို့နယ်စီမံအုပ်ချုပ်ရေး အဖွဲ့ဥက္ကဌနှင့် အဖွဲ့ဝင် (၂) ၊ ဒုတိယမြို့နယ်အုပ်ချုပ်ရေးမှူးနှင့် ဝန်ထမ်းများ၊ မြို့နယ်ရဲတပ်ဖွဲ့မှစခန်းမှူး၊ မြို့နယ်စီမံကိန်းဦးစီးဌာနမှဦးစီးမှူး၊ မြို့နယ်ကျေးလက်ဖွံ့ဖြိုးရေးဦးစီးဌာနမှဦးစီးမှူး၊ မြို့နယ်ဆည်မြောင်းဦးစီးမှူး၊ မြို့နယ်ငါးလုပ်ငန်းဦးစီးဌာနမှဦးစီးမှူး၊ တိရစ္ဆာန်ကုသရေးနှင့်မွေးမြူရေးဌာနမှ ဦးစီးမှူး၊ မြို့နယ်လယ်ယာစီမံခန့်ခွဲရေးနှင့်စာရင်းအင်းဦးစီးဌာနမှဦးစီးမှူး၊ မြို့နယ်မီးသတ်ဦးစီးဌာနမှဦးစီးမှူးနှင့် စားသုံးသူရေးရာဦးစီးဌာနမှ မြို့နယ်တာဝန်ခံတို့ တက်ရောက်ခဲ့ကြောင်း သိရပါသည်။
အဆိုပါလုပ်ငန်းညှိနှိုင်းအစည်းအဝေးတွင် ခေတ္တမြို့နယ်စီမံအုပ်ချုပ်ရေးအဖွဲ့ဥက္ကဌ ဗိုလ်မှူး ထွန်းဇော်မင်းက ကော့မှူးမြို့နယ်သည်စိုက်ပျိုးရေးအဓိက စိုက်ပျိုး ထုတ်လုပ် နေသော ဒေသတစ်ခု ဖြစ်သလိုယခုနှစ်တွင် မိုးစပါးစိုက်ဧက (၈၈၇၉၉) ပြည့်မီ စိုက်ပျိုး ဖြစ်ထွန်းအောင်မြင်ခဲ့ပြီး ယခုဆိုလျှင် တစ်မြို့နယ်လုံးအနေဖြင့် တဝက်ကျော်ခန့် ရိတ်သိမ်း ခြွေလှေ့ပြီးဖြစ်သည့်အတွက် ဆောင်းသီးနှံများဖြစ်သော နွေစပါး (၁၅၆၈၇)ဧက၊ ပဲမျိုးစုံ (၂၈၁၂၄)ဧက၊ နေကြာ (၅၀၉)ဧက၊ ပြောင်း (၃၀၀၀)ဧက၊ ငရုတ် (၁၂၂)ဧက၊ ပိုက်ဆံကျော် (၂၅)ဧက၊ ဟင်းသီးဟင်းရွက် (၃၂၀၀)ဧက စုစုပေါင်းလျာထားဧက (၇၉၄၆၇) တို့အား မြို့နယ်စိုက်ပျိုးကြီးကြပ်မှုကော်မတီမှ သီးနှံအပြည့်အဝ စိုက်ပျိုးနိုင်ရေးအတွက် ဆောင်းသီးနှံ စိုက်ပျိုးမည့်တောင်သူများ အချိန်မီသိရှိအောင် အထူးကြပ်မတ် ဆောင်ရွက်သွားကြရန် နွေစပါးအတွက် လယ်ရေတင်စက်သုံးဆီများဖြစ်သော ဒီဇယ်၊ ရိုးရိုးနှင့် ပရီမီယံဒီဇယ်တို့အား အပြည့်အဝရရှိနိုင်ရေးတို့ကို ကော့မှူးမြို့နယ်အတွင်းရှိ စက်သုံးဆီအရောင်းဆိုင်များအား ကွင်းဆင်းကြပ်မတ်ဆောင်ရွက်သွားမှသာ ၂၀၂၃-၂၀၂၃ခုနှစ် ဆောင်းသီးနှံစိုက်ပျိုးမှု လျာထားချက် ပြည့်မီအောင် အကောင်အထည်ဖော် ဆောင်ရွက်နိုင်မည်ဖြစ်ကြောင်း ဆွေးနွေးပြောကြားခဲ့ပါသည်။
DOCA(ရန်ကုန်)