စားသုံးသူရေးရာဦးစီးဌာန၊ ဧရာဝတီတိုင်းဒေသကြီး၊ မအူပင်ခရိုင်ဦးစီးမှူးရုံး၊ ပန်းတနော်မြို့နယ်ဦးစီးမှူးရုံးမှ တာဝန်ရှိသူ ဝန်ထမ်းများသည် (၂၁.၁၂.၂၀၂၃) ရက်နေ့ (၁၀၀၀)အချိန်က ပန်းတနော်မြို့ပေါ်ရှိ စားအုန်းဆီ အရောင်းဆိုင်(၅)ဆိုင်သို့ သွားရောက်၍ ကွင်းဆင်းစစ်ဆေးဆောင်ရွက်ခြင်း ပြုလုပ်ခဲ့ကြသည်။
မအူပင်ခရိုင်ဦးစီးမှူး ဦးဇော်မင်းနှင့်အဖွဲ့သည် မြို့နယ်အထွေထွေ အုပ်ချုပ်ရေးဦးစီးဌာနတို့နှင့်ပူးပေါင်းကာ ပန်းတနော်မြို့ ဈေးကွက်အတွင်းရောင်းချနေသော စားအုန်းဆီများနှင့်ပတ်သက်၍ စားအုန်းဆီများ ရောင်းချနေခြင်းကို ပန်းတနော်မြို့မဈေးနှင့် မြို့ပေါ် လက်ကားဆီအရောင်းဆိုင်တို့အား ကွင်းဆင်းစစ်ဆေးခဲ့ရာ စားသုံးသူပြည်သူများ အဆင်ပြေချောမွေ့စွာဝယ်ယူအသုံးပြနိုင်ရေးအတွက် ကွင်းဆင်းစစ်ဆေးခဲ့ကြပြီး၊ (၂၁.၁၂.၂၀၂၃) ရက်နေ့ကလည်း စားသုံးဆီ အရောင်းဆိုင်များတွင် သက်ဆိုင်ရာ ထောက်ခံချက်မပါသော အရောင်းဆိုင်များ ရှိ/ မရှိကို စစ်ဆေးခဲ့ ကြောင်းသိရပါသည်။
DOCA(ဧရာဝတီ)