မကွေးတိုင်းဒေသကြီး၊ ချောက်ခရိုင်၊ ချောက်မြို့နယ်တွင် ဌာနဆိုင်ရာများ ပူးပေါင်း၍ အမှတ် (၄)၊ အခြေခံပညာအလယ်တန်းကျောင်း(တပ်မြေ)ကျောင်း၌ လူငယ်ရေးရာအသိပညာပေး ဟောပြောပွဲကို (၁၂.၁.၂၀၂၄)ရက်နေ့၊ နံနက် (၀၉း၀၀)နာရီအချိန်တွင် ကျင်းပခဲ့ပါသည်။
ရှေးဦးစွာ အမှတ်(၄)၊ အခြေခံပညာအလယ်တန်းကျောင်း(တပ်မြေ)ကျောင်း ကျောင်းအုပ်ဆရာမကြီး ဒေါ်သူဇာလွင်က အဖွင့်အမှာ စကားပြောကြားပြီး မြို့နယ်ပြန်ကြားရေးနှင့် ပြည်သူ့ဆက်ဆံရေးဦးစီးဌာန ဦးစီးအရာရှိ ဒေါ်သိမ့်ဝါက "ဗလငါးတန်နှင့်ပြည့်စုံသော လူငယ်များ" ခေါင်းစဉ်ဖြင့်လည်းကောင်း၊ မြို့နယ်ဘေးအန္တရာယ်ဆိုင်ရာ စီမံခန့်ခွဲမှုဦးစီးဌာန လက်ထောက် ညွှန်ကြားရေးမှူး ဦးစောမြဖောင်းက "သဘာဝဘေး အသိပညာပေး" ခေါင်းစဉ်ဖြင့်လည်းကောင်း၊ မြို့နယ်စားသုံးသူရေးရာဦးစီးဌာန၊ မြို့နယ်တာဝန်ခံ ဒေါ်မြတ်မြတ်မိုးက "စားသုံးရန်မသင့်သော အစားအစာများနှင့် ကုန်အညွှန်းအမှတ်အသားပြည့်စုံစွာပါဝင်သည့် ပစ္စည်းများအား ဝယ်ယူသုံးစွဲ တတ်စေရေး" ခေါင်းစဉ်ဖြင့်လည်းကောင်း၊ မြို့နယ်ပတ်ဝန်းကျင်ထိန်းသိမ်းရေးဦးစီးဌာန၊ ဒုတိယဦးစီးမှူး ဦးစိုးဝဏ္ဏထင်က "မီးခိုးမြူငွေ့" ခေါင်းစဉ်ဖြင့်လည်းကောင်း အသီးသီးပြောကြားခဲ့ကြောင်း သိရှိရပါသည်။
ထို့နောက် မူလတန်းအဆင့်ကျောင်းသား/ ကျောင်းသူလေးများအား မြို့နယ်ပြန်ကြားရေးနှင့် ပြည်သူ့ဆက်ဆံရေးဦးစီးဌာနမှ ဝန်ထမ်းများကပုံပြင်ပြောပြခြင်း၊ ဉာဏ်စမ်းအမေး/ အဖြေမေးမြန်းခြင်းများကို ဆောင်ရွက်ခဲ့ကြပြီး မြို့နယ်ပတ်ဝန်းကျင်ထိန်းသိမ်းရေးဦးစီးဌာနဝန်ထမ်းများက သဘာ ဝပတ်ဝန်းကျင်နှင့်ပတ်သက်၍ သိကောင်းစရာများကို အသိပညာပေးခြင်းများ ဆောင်ရွက်ခဲ့ကြကြောင်း သိရှိရပါသည်။
အဆိုပါလူငယ်ရေးရာအသိပညာပေးဟောပြောပွဲတွင် ကျောင်းအုပ်ဆရာမကြီး ဒေါ်သူဇာလွင် နှင့် ဆရာ/ဆရာမ၊ ကျောင်းသား/ကျောင်းသူ စုစုပေါင်း(၁၅၀)ဦးတက်ရောက်ခဲ့ကြောင်း သိရှိရပါသည်။
ဆက်လက်၍ စားသုံးသူရေးရာဦးစီးဌာန၊ မြို့နယ်တာဝန်ခံ ဒေါ်မြတ်မြတ်မိုးက အမှတ်(၄)၊ အခြေခံပညာအလယ်တန်းကျောင်း (တပ်မြေ)ကျောင်းအတွင်း ရောင်းချသောမုန့်ဈေးတန်းရှိ မုန့်ဆိုင်များအား စားသုံးသူအန္တရာယ်ကင်းရှင်းစေရေးအတွက် ရည်ရွယ်၍ ကုန်စည်များတွင် ကုန်အညွှန်း အမှတ်အသားများ ပြည့်စုံစွာဖော်ပြမှုရှိ/မရှိ စစ်ဆေးခြင်းများ ဆောင်ရွက်ခဲ့ကြောင်း သိရှိရပါသည်။
DOCA(မကွေး)