စားသုံးသူရေးရာဦးစီးဌာန၊ မန္တလေးတိုင်းဒေသကြီး၊ မိတ္ထီလာခရိုင်ဦးစီးမှူးရုံးမှ ခရိုင်ဦးစီးမှူး ဦးဇော်မင်းသည် ၂၀၂၄ ခုနှစ် ဖေဖော်ဝါရီလ (၁၆) ရက်နေ့ ၊နံနက် (၁၀း၀၀)အချိန်တွင် မိတ္ထီလာခရိုင် ဦးစီးမှူးရုံးခန်း၌ အလှကုန်ပစ္စည်းအမျိုးမျိုး၊ အစားအသောက်နှင့် လူသုံးကုန်အမျိုးမျိုး ရောင်းချသည့် လုပ်ငန်းရှင်များနှင့် တွေ့ဆုံဆွေးနွေးခဲ့ပါသည်။
ထိုသို့ တွေ့ဆုံရာတွင် ခရိုင်ဦးစီးမှူးမှ အလှကုန်ပစ္စည်းအမျိုးမျိုး၊ အစားအသောက်နှင့် လူသုံးကုန်အမျိုးမျိုးရောင်းချသည့် လုပ်ငန်းရှင်များအား မိမိတို့ထုတ်လုပ်ဖြန့်ဖြူးသော ကုန်ပစ္စည်းများပေါ် တွင် စားသုံးသူကာကွယ်ရေးဥပဒေအခန်း (၁၈) ပါ ကုန်အညွှန်းအမှတ်အသားနှင့် ဆက်စပ်၍ ပုဒ်မ (၄၁) ပုဒ်မခွဲ (ခ)နှင် (ဆ)တို့ပါ ကုန်အညွှန်းအမှတ်အသားဖော်ပြရာတွင် မြန်မာဘာသာဖြစ်စေ၊ မြန်မာနှင့်အခြားဘာသာတစ်ခု(သို့) တစ်ခုထက်ပို၍တွဲလျက်ဖြစ်စေ ရေးသားရမည်ဖြစ်ပြီး၊ ကုန်အညွှန်းအမှတ်အသားများအား သက်ဆိုင်ရာကုန်စည်ထုတ်လုပ်သူများမှ တပါတည်း ထည့်သွင်းဖော်ပြရမည်ဖြစ်၍ မိမိသို့ဆိုင်များသို့ လာရောက်ပေးပို့သည့် ကုန်စည်များအား ကုန်အညွှန်းအမှတ်အသားများ စနစ်တကျဖော်ပြထားမှု ရှိ/မရှိ စိစစ်ရွေးချယ်ရောင်းချရန်လိုအပ်ကြောင်း မိမိတို့ဆိုင်တွင် ကုန်အညွှန်းမပါသည့် ကုန်စည်များ ရောင်းချပါက လက်ဝယ်ရောင်းချသူမှလည်း တာဝန်အပြည့်အဝရှိကြောင်း၊ကုန်စည် အမျိုးအစားအလိုက် သတ်မှတ်ထားသည့် ဥပဒေနှင့်အညီ လိုက်နာဆောင်ရွက်ကြရန် ပြောကြားခဲ့ပြီး၊ စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ မြန်မာနိုင်ငံစားသုံးသူကာကွယ်ရေးကော်မရှင်၏ (၃-၁၂-၂၀၂၃) ရက်နေ့ ထုတ်ပြန်ထားသော ညွှန်ကြားချက်အမှတ် (၂/၂၀၁၉) စျေးကွက်အတွင်း ရောင်းချနေသော ကုန်စည်များတွင် ကုန်စည်အမျိုးအစားအလိုက် မြန်မာဘာသာဖြင့်ဖော်ပြရမည့် အချက်များအား အသေးစိတ်ရှင်းလင်းဆွေးနွေးခဲ့ပြီး၊ ကုန်အညွှန်အမှတ်အသားပြည့်စုံစွာ ဖော်ပြဆောင်ရွက်မှု ရှိ/မရှိအား ဌာနမှ စျေးကွက်စောင့်ကြည့် စစ်ဆေးခြင်းများကို နေ့စဉ်ကွင်းဆင်း ဆောင်ရွက်သွားမည်ဖြစ်ကြောင်းနှင့် ကုန်အညွှန်းအမှတ်အသားပြည့်စုံစွာဖော်ပြထားခြင်းမရှိပါက ရေးသားဖော်ပြခြင်းမရှိပါက ဥပဒေအခန်း (၂၄)ပါ ပုဒ်မ (၇၃) အရ နှစ်နှစ်ထက် မပိုသောထောင်ဒဏ် ဖြစ်စေ၊ ကျပ်သိန်း ၂၀၀ ထက်မပိုသော ငွေဒဏ်ဖြစ်စေ၊ ဒဏ်နှစ်ရပ်လုံးဖြစ်စေ အရေးယူခံရမည်ဟု ပြောကြားခဲ့ကြောင်း သိရှိရပါသည်။
DOCA(မန္တလေး)