ပုသိမ်ခရိုင်၊ သာပေါင်းမြို့နယ် စားသုံးသူရေးရာဦးစီးဌာနမှ မြို့နယ်တာဝန်ခံ ဦးထွန်းမင်းလတ် သည် ဧပြီလ ၁ ရက်နေ့ နံနက် ၁၀: ၀၀ နာရီ တွင် ပြန်ကြားရေးဝန်ကြီးဌာန ၊ ပြန်ကြားရေးနှင့် ပြည့်သူ့ဆက်ဆံရေးဦးစီးဌာနတို့ ပူးပေါင်း၍ online မှ စားသုံးသူပြည်သူများအား စားသုံးသူရေးရာ အသိပညာပေး Talk Show အစီအစဉ်ပြုလုပ်ခဲ့ပါသည်၊၊
အဆိုပါ Talk Show တွင် မြို့နယ်တာဝန်ခံ ဦးထွန်းမင်းလတ်က စားသုံးသူကာကွယ်ရေး ဥပဒေတွင် ကုန်အညွှန်းအမှတ်အသား ဖော်ပြခြင်းနှင့်စပ်လျဉ်း၍ စားသုံးသူကာကွယ်ရေး ဥပဒေအခန်း (၁၈) တွင် ဖော်ပြထားပြီး မြန်မာနိုင်ငံ စားသုံးသူကာကွယ်ရေးကော်မရှင်မှလည်း ကုန်စည်တွေအပေါ်မှာ ကုန်အညွှန်းအမှတ်အသား ဖော်ပြခြင်းကို မဖြစ်မနေထည့်သွင်းရန် ညွှန်ကြားစာများလည်း ထုတ်ပြန်ထားကြောင်း ကုန်အညွှန်းအမှတ်အသားဖော်ပြခြင်းနှင့် စပ်လျဉ်းပြီး ကုန်စည်အမျိုးအစား အလိုက်သက်ဆိုင်ရာ ကုန်စည်အပေါ်မှာ မြန်မာဘာသာ သို့မဟုတ် မြန်မာဘာသာနှင့် အခြားဘာသာ တစ်ခုဖြစ်စေ တစ်ခုထက်ပို၍ တွဲလျက်ဖြစ်စေ ဖော်ပြရမှာဖြစ်ပြီး စီးပွားရေးလုပ်ငန်းရှင်များအနေဖြင့် သတ်မှတ်ထားသော ညွှန်ကြားချက်များကို လိုက်နာဆောင်ရွက် သွားရမှာဖြစ်ကြောင်း ကုန်အညွှန်း အမှတ်အသား ဖော်ပြခြင်းနှင့်စပ်လျဉ်း၍ စားသုံးသူကာကွယ်ရေး ဥပဒေပါအချက်များအား အသိပညာပေး ဆွေးနွေးပြောကြားခဲ့ပါသည်၊၊
DOCA(ဧရာဝတီ)