ရန်ကုန်တိုင်းဒေသကြီး၊ တွံတေးခရိုင် တွံတေးမြို့နယ်၌ ဆောင်းသီးနှံစိုက်ပျိုးရာသီတွင် နွေစပါး စိုက်ဧက(၄၀၂၆၅)ဧကအား အောင်မြင်စွာစိုက်ပျိုးနိုင်ခဲ့ပြီး ဧပြီလဆန်းပိုင်းတွင် စတင်၍ ရိတ်သိမ်း ချွေလှေ့နိုင်ခဲ့ပြီး ဧပြီလ(၂၂)ရက်နေ့၊ နံနက်(၁၀၀၀)နာရီအချိန်တွင် ကွင်းအမှတ်(၁၂၁-C)၊ ဦးပိုင်အမှတ် (၁/၂)ဦးညီညီလွင်ပိုင်(၅)ဧက ဘုရားငုတ္တိုမြောက်ကျေးရွာတွင် တိုက်ရိုက်မျိုးစေ့ချကိရိယာ(Seeder) စနစ်ဖြင့် ဆောင်းသီးနှံ နွေစပါးစံပြကွက် ရိတ်သိမ်းခြင်းကို ဆောင်ရွက်ခဲ့ကြောင်း သိရှိရပါသည်။
အဆိုပါနွေစပါးစံပြကွက်ရိတ်သိမ်းခြင်းအခမ်းအနားသို့ တွံတေးမြို့နယ် အထွေထွေအုပ်ချုပ်ရေး မှူး၊ မြို့နယ်မြေစာရင်းမှူး၊ မြို့နယ်စိုက်ပျိုးရေးမန်နေဂျာနှင့် ဝန်ထမ်းများ၊ ဌာနဆိုင်ရာအကြီးအကဲများ၊ ကျေးရွာအုပ်ချုပ်ရေးမှူးများနှင့် ရပ်ကျေးစာရေးများ တောင်သူများ စုစုပေါင်း(၆၅)ဦးခန့်တက်ရောက်ခဲ့ပြီး တိုက်ရိုက်မျိုးစေ့ချကိရိယာ(Seeder) စနစ်ဖြင့် စိုက်ပျိုးသည့် အထွက်တိုးနွေစပါးစံပြကွက်ရိတ်သိမ်းခဲ့ရာ တစ်ဧကလျှင် စပါးတင်း(၁၀၉.၃၇)တင်း ထွက်ရှိခဲ့ကြောင်း သိရသည်။
DOCA(ရန်ကုန်)