ဧရာဝတီတိုင်းဒေသကြီး၊ မအူပင်ခရိုင်၊ စားသုံးသူရေးရာဦးစီးဌာနမှ ဓနုဖြူမြို့နယ် ဦးစီးမှူးရုံးမှ ဦးခိုင်လွမ်းမိုးနှင့် ဝန်ထမ်းများသည် (၉.၅.၂၀၂၄) ရက်နေ့၊ နံနက် (၀၉:၀၀)အချိန်က မိတ်ဖက်ဌာနများနှင့်အတူ ပူးပေါင်းကာ ဓနုဖြူမြို့ပေါ်ရှိ ဆန်ဆိုင်(၁၀) ဆိုင်အား ဆန်သိုလှောင်ထားမှု ရှိ/မရှိ၊ ဆန်လက်ကျန်အခြေအနေ၊ ဆန်ဈေးနှုန်းဈေးကွက်၊ ဈေးနှုန်းမကြီးမြှင့်စေရေးတို့အား ကွင်းဆင်းစစ်ဆေး ဆောင်ရွက်ခဲ့ကြသည်။
ကွင်းဆင်းစစ်ဆေးဆောင်ရွက်ရာတွင် ဆန်ရောင်းချသူလုပ်ငန်းရှင်များအား ဆန်အပါအဝင် အခြေခံစားကုန်များ ပြတ်လပ်မှုမရှိစေရေး၊ ဈေးနှုန်းကြီးမြင့်မှု မရှိစေရေး၊ ဆန်ဈေးနှုန်းမြင့် တင်ရောင်းချရန် သိုလှောင်ခြင်း၊ ဖြန့်ဖြူးခြင်းမျိုးမပြုလုပ်ရန် ဈေးနှုန်းများ တည်ငြိမ်စေရေးအတွက်ကို ကြပ်မတ်စစ်ဆေးဆောင်ရွက်ခဲ့ကြောင်း သိရသည်။
DOCA(ဧရာဝတီ)