ဖျာပုံမြို့နယ်ရှိ ဓာတ်မြေဩဇာ အရောင်းဆိုင်များသို့ မြို့နယ်စိုက်ပျိုးရေးဦးစီးဌာနမှ ဦးဆောင်၍ မြို့နယ်အထွေထွေအုပ်ချုပ်ရေးဦးစီးဌာန၊ရဲတပ်ဖွဲ့၊ စည်ပင်နှင့် စားသုံးသူရေးရာဦးစီးဌာနမြို့နယ် တာဝန်ခံတို့လိုက်ပါ၍ မေလ(၃)ရက်နေ့က ကွင်းဆင်းစစ်ဆေးခဲ့ကြပါသည်။
အဆိုပါ ဓာတ်မြေဩဇာအရောင်းဆိုင်များအား စစ်ဆေးရာတွင် တရားဝင်တင်သွင်းမှု ရှိ/မရှိ ခွင့်ပြုချက်လိုင်စင်၊ စည်ပင်လုပ်ငန်းလိုင်စင်နှင့် အမျိုးအစားအလိုက် မြေဆီအိတ်များ ပေါ်တွင် မြန်မာဘာသာဖြင့် ကုန်အညွှန်းအမှတ်အသားပြည့်စုံစွာ ဖော်ပြပါဝင်မှုရှိ/မရှိတို့ကို စစ်ဆေးခဲ့ကြပြီး လုပ်ငန်းရှင်များအား ပြည်တွင်းမှထုတ်ကုန်များ၊ ပြည်ပမှ တင်သွင်းသည့် ကုန်စည်များ ဈေးကွက်မရောက်မီ သို့မဟုတ် ဈေးကွက်ရောက်ပြီး ကုန်စည်ကို သုံးစွဲသူများ ဘေးအန္တရာယ်ရှိ/မရှိ စောင့်ကြည့်စစ်ဆေးရပြီး ကုန်အညွှန်းအမှတ်အသားတွင် ဖော်ပြရမည့် အချက်များပါဝင်မှုရှိ/မရှိ စောင့်ကြည့်စစ်ဆေးမှုများ ပြုလုပ်ရကြောင်း၊ လုပ်ငန်းရှင်များအနေနှင့်လည်း သေချာစွာစိစစ်ပြီး ဝယ်ယူရောင်းချရန်လိုအပ်ကြောင်း အသိပညာပေးဆွေးနွေးခဲ့ပါသည်။
DOCA(ဧရာဝတီ)