ရှမ်းပြည်နယ်(တောင်ပိုင်း) အောင်ပန်းဒေသတွင် ယခုအပတ်၏ ပြောင်းသီးနှံမှာ ၁၁၅၀ကျပ်နှင့် ၁၂၀၀ကျပ်ဖြစ်၍ အဆွဲအနည်းငယ်သွက်လာပါသည်။ ကြက်သွန်ဖြူသီးနှံမှာ တစ်ပိဿာလျှင် ထူး၁- ၁၀၀၀၀ကျပ်၊ ထူး၂- ၁၀၅၀၀ကျပ်၊ ထူး၃- ၁၁၀၀၀ကျပ်၊ ထူး၄- ၁၁၅၀၀ကျပ်၊ ထူး၅- ၁၂၀၀၀ကျပ်၊ ထူးလွန်- ၁၂၅၀၀ကျပ်နှင့် ဥတစ်လုံးအကြီးဆိုဒ်တစ်ပိဿာလျှင် ၂၀၀၀၀ကျပ်အထိဈေးပေါက်နေပြီး ဈေးကောင်းရသဖြင့် တောင်သူအရောင်းသွက်ကာ ဈေးနှုန်းမြင့်တက်လာပါသည်။
အာလူးသီးနှံမှာ မျက်နီ S2- ၃၀၀၀ကျပ်၊ S1- ၂၈၀၀ကျပ်၊ OK- ၂၆၀၀ကျပ်၊ ဆွဲသီး ၂၀၀၀ကျပ်၊ ဂေါ်လီဆိုဒ်မှာ ၁၂၀၀ကျပ်ဖြစ်ပြီး မားကီးနှင့် နယ်သာလန်မျိုးတို့တွင် S2- ၃၅၀၀ကျပ်နှင့် S1- ၃၄၀၀ကျပ်ပေါက်ဈေးရှိပြီး ဝယ်ယူမှုများနေသည့်အတွက် ဈေးနှုန်းမြင့်တက်လာပါသည်။
ချင်းသီးနှံမှာ အခက်ကြီးအသန့်တစ်ပိဿာလျှင် ၈၅၀၀ကျပ်၊ အလတ်စမှာ ၇၅၀၀ကျပ်ဖြင့် ဈေးငြိမ်လျက်ရှိပြီး ဥမပေါ်ချိန်ရောက်တော့မည်ဖြစ်၍ လက်ကျန်ပါးလာကြောင်း လေ့လာသိရှိရပါသည်။
ကုန်စိမ်းသီးနှံများတွင် ဂေါ်ဖီ (၃၀၀၀-၃၂၀၀) ကျပ်၊ ပန်းမုံလာ (၁၈၀၀-၂၀၀၀) ကျပ်၊ ခရမ်းချဉ်ဂွတ်ရှယ်သီး ၃၈၀၀ကျပ်၊ အသေးဆုံးသီး ၃၂၀၀ကျပ်၊ ဘိုစားပဲ ၄၅၀၀ကျပ်၊ ဥနီ (၁၈၀၀-၂၀၀၀) ကျပ်၊ ဖရုံသီး ၉၀၀ကျပ်၊ ရွှေပဲ (၂၀၀၀၀-၂၅၀၀၀) ကျပ်၊ ငြုပ်ပွ (၁၅၀၀-၂၀၀၀) ကျပ်၊ ခရမ်းသီး ၂၅၀၀ကျပ်၊ မုန်ညှင်း (၁၅၀၀-၁၇၀၀) ကျပ်ဈေးပေါက်နေကြပြီး ခရမ်းချဉ်သီးနှံမှာ စိုက်ပျိုးစရိတ်မြင့်မားလာခြင်းကြောင့် ဈေးနှုန်းမြင့်တက်လာရခြင်းဖြစ်ပါသည်။ကျန်ကုန်စိမ်းသီးနှံများမှာလည်း အတက်ဈေးဖြင့်သာ ဈေးနှုန်းတည်ငြိမ်နေပြီး ဈေးကွက်လိုအပ်ချက်အရ အရောင်းအဝယ်ပြုလုပ်နေကြောင်း လေ့လာသိရှိရပါသည်။
DOCA(ရှမ်း)