မကွေးတိုင်းဒေသကြီး၊ ပခုက္ကခရိုင်၊ ပခုက္ကူမြို့ပေါ်တွင် မန်ကျည်းသီးမှည့်အသစ်များ ဝင်ရောက်အရောင်းအဝယ်ဖြစ်လျက်ရှိပြီး အဓိကအားဖြင့် ယောနယ်ဒေသများနှင့် ကျောက်ပန်း တောင်းမြို့၊ ဆိပ်ဖြူမြို့၊ မြိုင်၊ ကမ္မနှင့် မြစ်ခြေမြို့များမှထွက်ရှိ၍ နေ့စဉ်ဝင်ရောက် အရောင်းအဝယ် ဖြစ်လျက်ရှိပါသည်။
ယခင် မေလ(ဒုတိယပတ်)တွင် မန်ကျည်းသီးမှည့်ဈေးနှုန်းများမှာ မန်ကျည်းသီးအစေ့ပါ တစ်ပိဿာလျှင် ကျပ်(၂၄၅၀)၊ မန်ကျည်းသီးအစေ့မပါ တစ်ပိဿာလျှင် ကျပ် (၄၅၀၀-၅၀၀၀) ရှိပြီး ယခု ဇွန်လ(ဒုတိယပတ်)တွင် မန်ကျည်းသီးမှည့်ဈေးနှုန်းများမှာ မန်ကျည်းသီးအစေ့ပါ တစ်ပိဿာ လျှင် ကျပ်(၂၅၅၀)၊ မန်ကျည်းသီးအစေ့မပါ တစ်ပိဿာလျှင် ကျပ် (၅၅၀၀-၆၀၀၀)ရှိကြောင်း၊ ယခင် မေလ(ဒုတိယပတ်)နှင့်နှိုင်းယှဉ်ပါက မန်ကျည်းသီးအစေ့မပါ တစ်ပိဿာလျှင် ကျပ်(၁၀၀၀) ဈေးမြင့် တက်၍ အရောင်းအဝယ်ဖြစ်လျက်ကြောင်းသိရှိရပြီး နွေအကုန် မိုးရာသီအကူးကာလတွင် မန်ကျည်း များရှားပါးလာသောကြောင့်ဈေးမြင့်တက်ခြင်းဖြစ်ကြောင်း၊ အစေ့ပါနှင့်အစေ့လွတ်မန်ကျည်းသားများ ကို ပခုက္ကူမြို့ပေါ်ရှိ စားသောက်ကုန် လုပ်ငန်းရှင် လှောင်လက်သမားများမှ ဝယ်ယူကြောင်း၊ အကြော်ဆိုင်၊ အကင်ဆိုင်များမှ မန်ကျည်းသီး အချဉ်ရည်များ ပြုလုပ်ရန်အတွက် ဝယ်ယူခြင်း၊ မန်ကျည်းဖျော်ရည်လုပ်ငန်းများနှင့် မန်ကျည်းတော်ဖီလုပ်ငန်းရှင်များမှလည်း အများအပြားဝယ်ယူ သည့်အပြင် ရန်ကုန်မြို့နှင့်မန္တလေးမြို့များသို့လည်း တင်ပို့လျက်ရှိပြီး ပြည်ပနိုင်ငံများသို့လည်း တင်ပို့လျက်ရှိကြောင်း သိရှိရပါသည်။
DOCA(မကွေး)