![](http://www.doca.gov.mm/sites/default/files/styles/consumer_inner_image__847x424_/public/20.25.jpg?itok=zmuzHEZw)
စစ်ကိုင်းတိုင်းဒေသကြီး ကန့်ဘလူခရိုင် ကန့်ဘလူမြို့နယ် အမှတ်(၃)ရပ်ကွက်တွင် ခရမ်းသီး စိုက်ပျိုးကြသည့် တောင်သူများ အောင်မြင်ဖြစ်ထွန်းကာ ဈေးကောင်းရရှိ၍ အဆင်ပြေလျက်ရှိကြောင်း အမှတ်(၃)ရပ်ကွက်ရှိ ခရမ်းသီးစိုက်ပျိုးသူ ဦးဖိုးဝေက ပြောသည်။
ခရမ်းသီးများကို မတ်လကုန်ပိုင်းမှစ၍ စိုက်ပျိုးခဲ့ရာ အပင်များအောင်မြင်ဖြစ်ထွန်းသည့်အပြင် အထွက်နှုန်းကောင်းကာ ဈေးကောင်းရနေကြောင်း၊ လက်ရှိရောင်းချနေရသည့်ဈေးနှုန်းများ မှာ တစ်ပိဿာလျှင် ငွေကျပ် ၂၀၀၀နှုန်း ရောင်းချရသဖြင့် အပိုဝင်ငွေများရရှိပြီး အဆင်ပြေ နေကြောင်း သိရသည်။ ခရမ်းသီးကို တစ်ရက်ခြားခူးကြောင်း၊ တစ်ရက်ကိုပိဿာချိန် ငါးပိဿာနှုန်း ခူးရကြောင်း၊ နောက်အပင်တွေ ခူးရပြီဆိုပါက တစ်ရက်ကို ပိဿာချိန် ၇ပိဿာမှ ၈ပိဿာထိ ခူးရမည် ဖြစ်ကြောင်း၊ ရောင်းချရာတွင် ကန့်ဘလူမြို့မဈေးသို့ ဖြန့်ဖြူးရောင်းချကြောင်း သိရသည်။
DOCA(စစ်ကိုင်း)