ပဲခူးတိုင်းဒေသကြီး၊ သာယာဝတီခရိုင်၊ လက်ပံတန်းမြို့မဈေးအတွင်း ရောင်းချလျက်ရှိသော ကြက်သွန်နီဈေးနှုန်းများမှာ ဇွန်လ ဒုတိယပတ်တွင် ကြက်သွန်နီတစ်ပိဿာလျှင် (၂၅၀၀-၂၈၀၀- ၃၀၀၀) ကျပ်ဈေးနှုန်းတို့ဖြင့် ဈေးနှုန်းအရောင်းအဝယ်ရှိနေခဲ့ပြီး မေလ နောက်ဆုံးပတ်ထိ ဈေးနှုန်းထူးထူးခြားခြားပြောင်းလဲမှုမရှိဘဲ ယခုဇွန်လ ဒုတိယပတ်တွင်လည်း ဈေးနှုန်းတည်ငြိမ်နေပါသည်။ ကြက်သွန်နီဈေးနှုန်းများမှာ ဧပြီလ နောက်ဆုံးပတ်မှ ယခုဇွန်လ ဒုတိယပတ်ထိ ဈေးအေးနေပါသည်။
အာလူးဈေးကွက်ရောင်းချမှုအနေဖြင့် အာလူးတစ်ပိဿာလျှင် မေလ ဒုတိယပတ်တွင် (၂၀၀၀-၂၅၀၀)ကျပ်ဈေးရှိနေခဲ့ပါသည်။ မေလ တတိယပတ်မှ မေလ နောက်ဆုံးပတ်ထိ အာလူး(၁) ပိဿာလျှင် (၃၀၀၀-၃၅၀၀) ကျပ်ဈေးသို့ရောက်ရှိခဲ့ပါသည်။ ဇွန်လ ပထမပတ်နှင့် ဒုတိယပတ်တို့တွင် အာလူးဈေးနှုန်းပြောင်းလဲမှုမရှိဘဲ ဈေးတည်ငြိမ်နေကြောင်းသိရှိရပါသည်။
DOCA(ပဲခူး)