မကွေးတိုင်းဒေသကြီး၊ ပခုက္ကူခရိုင်၊ ပခုက္ကူမြို့ကုန်စည်ဒိုင်တွင် နေ့စဉ်ပဲမျိုးစုံအရောင်းအဝယ်ဖြစ်လျက်ရှိပါသည်။ အဓိကစိုက်ပျိုးထွက်ရှိသော ပဲများမှာ ပဲစင်းငုံနီ၊ ကုလားပဲအမျိုးမျိုး၊ ပဲတီစိမ်း၊ မတ်ပဲ၊ ပဲနီ၊ ပြောင်းဖူးစေ့ (CP) နှင့် နှမ်းအမျိုးမျိုး၊ စွန်တာနီတို့ဖြစ်ပါသည်။ ပခုက္ကူကုန်စည်ဒိုင်သည် ပခုက္ကူမြို့၏ စီးပွားရေးအချက်အချာကျသော မြို့ဖြစ်သောကြောင့် အနယ်နယ်အရပ်ရပ်မှ လာရောက်ဝယ်ယူကာအရောင်းအဝယ်ဖြစ်လျက်ရှိပါသည်။
၂၀၂၄ခုနှစ်၊ ဇွန်လ(တတိယပတ်)တွင် ပခုက္ကူကုန်စည်ဒိုင်၌ ဖြစ်ပေါ်ခဲ့သောပဲဈေးနှုန်းများမှာ ပဲစင်းငုံနီတစ်တင်းလျှင် ကျပ်(၁၄၇၀၀၀)၊ ကုလားပဲဝါ (လုံးကြီး) 929 တစ်တင်းလျှင် ကျပ်(၈၂၈၀၀)၊ မတ်ပဲတစ်တင်းလျှင် ကျပ်(၆၀၀၀၀မှ ၉၈၀၀၀)ထိ၊ ပဲတီစိမ်းကြီးတစ်တင်းလျှင် ကျပ်(၅၀၀၀၀မှ ၆၂၅၀၀)၊ စွန်တာနီတစ်တင်းလျှင် ကျပ်(၅၅၀၀၀မှ ၅၇၀၀၀)၊ ပြောင်းဖူးစေ့ (CP) တစ်တင်းလျှင် ကျပ်(၂၃၀၀၀)တို့ဖြင့် အရောင်းအဝယ်ဖြစ်နေပြီး၊ အရောင်းအဝယ်ဖြစ်ခဲ့သော အိတ်ရေများမှာ ပဲစင်းငုံနီ အိတ် (၅၀၀)၊ ကုလားပဲဝါ (လုံးကြီး) 929 အိတ် (၅၀၀)၊ မတ်ပဲ အိတ် (၇၀၀)၊ ပဲတီစိမ်းကြီး အိတ်(၁၀၀၀)၊ ပြောင်းဖူးစေ့ (CP) အိတ်(၁၀၀)၊ စွန်တာနီ အိတ်(၅၀၀)ရှိကြောင်း၊ တင်ပို့မှုအနေဖြင့် ရန်ကုန်၊ ဘုရင့်နောင်နှင့် ပြည်ပနိုင်ငံများသို့တင်ပို့နေရကြောင်း ကုန်စည်ဒိုင်မှသိရှိရပါသည်။
DOCA(မကွေး)