မွန်ပြည်နယ်၊ ကျိုက်မရောမြို့နယ်အတွင်းရှိ ဒေသခံပြည်သူများအား သက်သာသောစျေးနှုန်းဖြင့် စားသုံးဆီများဖြန့်ဖြူးရောင်းချပေးခြင်းကို ၁၈-၆-၂၀၂၄ ရက်နေ့၊ နံနက်ပိုင်းတွင် ကျိုက်မရောမြို့မစျေးကြီး၌ ဆောင်ရွက်ပေးခဲ့ကြောင်းသိရသည်။
ဒေသခံပြည်သူများအား စားသုံးဆီများရောင်းချပေးရာတွင် တစ်ပိသာလျှင် ၆၀၀၀ကျပ်ဖြင့် လူတစ်ဦးလျှင် တစ်ပိသာစီဖြန့်ဖြူးပေးလျက်ရှိရာ ဒေသခံပြည်သူများ အဆင်ပြေလွယ်ကူစွာဝယ်ယူနိုင်ရေးအတွက် မြို့နယ်စည်ပင်သာယာရေးအဖွဲ့တာဝန်ရှိသူများနှင့်အတူ စားသုံးသူရေးရာဦးစီးဌာနက အနီးကပ်ကြီးကြပ်၍ စနစ်တကျဖြန့်ဖြူးပေးလျက်ရှိကြောင်းသိရသည်။ အဆိုပါစားသုံးဆီများကို တစ်ပိဿာလျှင် ၆၀၀၀ကျပ်နှုန်းဖြင့် အပတ်စဥ် အင်္ဂါနေ့တိုင်းရောင်းချပေးမည်ဖြစ်ကြောင်း မြို့နယ်ကုန်စျေးနှုန်းတည်ငြိမ်ရေးအဖွဲ့ တာဝန်ရှိသူထံမှသိရှိရပါသည်။
DOCA(မွန်)