မကွေးတိုင်းဒေသကြီး၊ မင်းဘူးခရိုင်၊ စလင်းမြို့နယ်၊ ဝန်ရအုပ်စုရှိ ကံကုန်းကျေးရွာတွင် တောင်သူ(၁၀၀)ခန့်မှ စိုက်ဧက(၃၅၀)ဧကတွင် ပဲတီစိမ်းကိုကဆုန်လတွင်စတင်ကာ ထွန်ကြောင်း ဆွဲအစေ့ချစနစ်နှင့် ကျဲပက်စနစ်ကိုအသုံးပြုပြီး စိုက်ပျိုးထားကြောင်း သိရှိရပါသည်။
ပဲတီစိမ်းစိုက်တောင်သူဦးမြင့်စိုးမှ ၎င်းအနေဖြင့် (၁၀)ဧကခန့် စိုက်ပျိုးထားကြောင်း၊ မျိုးအနေဖြင့် ပဲတီစိမ်းစိုက်တောင်သူအချင်းချင်းဆီမှ (၁)ပြည်လျှင် ကျပ်(၅၀၀၀)ဖြင့်ဝယ်ယူ၍ စိုက်ပျိုးရပြီး (၁)ဧကလျှင် မျိုး(၆)ပြည်ခန့်ကုန်ကျကြောင်း၊ စိုက်ပျိုးပြီး(၁)လခွဲခန့်အကြာတွင် ခူးဆွတ်ရကြောင်း၊ ယခင်နှစ်က(၁)ဧကလျှင် ကျပ်(၆၀၀၀၀)ခန့်သာ ကုန်ကျခဲ့သော်လည်း ယခုနှစ်တွင်မူ သွင်းအားစုစရိတ် မြင့်တက်လာ၍ မျိုးဖိုး၊ မြေပြုပြင်ခနှင့် လုပ်အားခအပါအဝင်စုစုပေါင်း ကျပ်(၁၅၀၀၀၀) ထိကုန်ကျပါကြောင်း၊ အထွက်နှုန်းမှာ ယခင်နှစ်က (၁)ဧကလျှင် (၂၆)တင်းမှ(၃၀)တင်းထိထွက်ရှိပြီး ဈေးနှုန်းအနေဖြင့် (၁)တင်းလျှင် ကျပ်(၃၂၀၀၀) ဈေးရရှိခဲ့၍ ပဲတီစိမ်းစိုက်တောင်သူများအနေဖြင့် ထိုက်သင့်သည့်အကျိုးအမြတ်များရရှိခဲ့ပါကြောင်း၊ ဈေးကွက်အနေဖြင့် စလင်းမြို့ရှိပွဲရုံများသို့တင်ပို့ရောင်းချကြောင်း သိရှိရပါသည်။
DOCA(မကွေး)