ပဲခူးတိုင်းဒေသကြီး၊ ပြည်ခရိုင်၊ ရွှေတောင်မြို့နယ် မီးလောင်အုပ်စု၊ အင်္ဂလှိုင်ဂန်ကျေးရွာရှိ တောင်သူဒေါ်ခင်နွဲ့၏ သခွားသီးစိုက်ခင်းသို့ (၂၀.၆.၂၀၂၄)နေ့ နံနက် (၁၀:၃၀) အချိန်တွင် စားသုံးသူရေးရာဦးစီးဌာန၊ မြို့နယ်တာဝန်ခံနှင့်ဝန်ထမ်းများသည် သွားရောက်၍ ကွင်းဆင်း လေ့လာခဲ့ပါသည်။
ထိုသို့စိုက်ခင်းသို့သွားရောက်လေ့လာရာတွင် စိုက်ပျိုးသောမျိုးမှာ ကိုးတစ်လုံးမျိုးဖြစ်ပြီး စိုက်ဧကမှာ (၀.၂၅)ဧကကျော်စိုက်ပျိုးထားကြောင်း သိရပါသည်။ သခွားသီးကို တန်ခူးလဆုတ်တွင် စတင်စိုက်ပျိုးပြီး ကဆုန်လတွင် အသီးများစတင်ခူးဆွတ်ရပါသည်။ သခွားသီးများခူးဆွတ်ရာတွင် တစ်ကြိမ်ခူးဆွတ်လျှင် သခွားသီး အလုံး(၁၀၀)ကျော်ခူးဆွတ်ရပြီး တစ်ရက်ခြား တစ်ခါခူးဆွတ်ရပါသည်။ သခွားသီးကို စတင်ခူးဆွတ်ချိန်မှအသီးများတုန်းသည်အထိ တစ်လခွဲကြာသည်အထိခူးဆွတ်ရပါသည်။ သခွားသီး (၀.၂၅)ဧကတွင် စိုက်ပျိုးထုတ်လုပ်ကုန်ကျစရိတ်အနေဖြင့် ၂သိန်း ကျော်ခန့် ကုန်ကျပြီး၊ တောင်သူအကျိုးအမြတ်အနေဖြင့်လည်း ဈေးနှုန်းပေါ်မူတည်၍ ၂သိန်းကျော် ရရှိကြောင်း သိရပါသည်။ ရောင်းဈေးအနေဖြင့် သခွားသီးတစ်လုံးလျှင် ၂၅၀ကျပ်ဖြင့် ရွှေတောင်မြို့ရှိ ကုန်စိမ်းပွဲစားများက လာရောက်ဝယ်ယူကြသလို ပြည်မြို့နှင့် ရန်ကုန်မြို့များသို့တင်ပို့ ရောင်းချကြောင်းသိရပါသည်။ သခွားသီးကိုစိုက်ပျိုးသော တောင်သူများအနေဖြင့်လည်း ၂သိန်းရင်း ၂သိန်း ကျော် အမြတ်ရရှိ၍ စိုက်ပျိုးသင့်သော သီးနှံတစ်မျိုးဖြစ်ပါသည်။
DOCA(ပဲခူး)