မကွေးတိုင်းဒေသကြီး၊ မကွေးခရိုင်၊ မြို့သစ်မြို့နယ်တွင် မြို့နယ်စိုက်ပျိုးရေးဦးစီးဌာနမှ နွေစပါးစံကွက်ရိတ်သိမ်းခြင်းအခမ်းအနားကို (၂၁-၆-၂၀၂၄)ရက်နေ့၊ နံနက်(၀၈:၀၀)နာရီအချိန်တွင် မင်းရပ်ကွက်၊ ကွင်းအမှတ်(၂၆၀၈/ခ)၊ တောင်သူဦးမောင်လှ၏ စိုက်ကွက်တွင် ဆောင်ရွက်ခဲ့သည်။
နွေစပါးစံကွက်ရိတ်သိမ်းဆောင်ရွက်ရာတွင် မကွေးခရိုင်စီမံအုပ်ချုပ်ရေးအဖွဲ့ဥက္ကဋ္ဌ ဦးမောင်ထူး၊ မြို့နယ်စီမံအုပ်ချုပ်ရေးအဖွဲ့ဥက္ကဋ္ဌနှင့်အဖွဲ့ဝင်များ၊ မကွေးခရိုင်စိုက်ပျိုးရေးဦးစီးဌာနတာဝန်ရှိသူများ၊ မြို့နယ်စိုက်ပျိုးရေးဦးစီးဌာနဦးစီးမှူးနှင့်ဝန်ထမ်းများ၊ လယ်ယာမြေစီမံခန့်ခွဲရေးနှင့် စာရင်းအင်းဦးစီးဌာနမှ မြို့နယ်ဦးစီးမှူးနှင့်ဝန်ထမ်းများ၊ ရပ်ကွက်၊ ကျေးရွာစိုက်ပျိုးရေးကြီးကြပ်မှုကော်မတီအဖွဲ့ဝင်များ၊ တောင်သူများတက်ရောက်ခဲ့ကြသည်။
အဆိုပါနွေစပါးစံကွက်တစ်ဧကလျှင် အစိုထွက် (၁၇၃.၁၂)တင်း၊ အခြောက်အထွက်မှာ တစ်ဧကလျှင် (၁၅၅၀၈၁)တင်းထွက်ရှိကြောင်း မြို့နယ်စိုက်ပျိုးရေးဦးစီးဌာနမှသိရသည်။
မြို့သစ်မြို့နယ်တွင် နွေစပါးကို ဆာဖိုသာ၊ မနောသုခ၊ ဆင်းသုခ၊ ရတနာတိုးစပါးမျိုးများကို အဓိကစိုက်ပျိုးထားရှိပြီး သတ်မှတ်စံချိန်စံညွှန်းနှင့်အညီ စံကွက်များကိုရိတ်သိမ်းသွားမည်ဖြစ်ကြောင်း စိုက်ပျိုးရေးဦးစီးဌာန၊ မြို့နယ်စိုက်ပျိုးရေးဦးစီးမှူး ဦးဉာဏ်မြင့်ဦးထံမှသိရှိရပါသည်။
DOCA(မကွေး)