တနင်္သာရီတိုင်းဒေသကြီးရှိ ခရိုင်များတွင် ရော်ဘာ၊ သီဟို၊ ကွမ်းသီးများစိုက်ပျိုးထားလျက်ရှိပြီး ကွမ်းသီးမှာ စျေးကွက်ပုံမှန်တည်ရှိလျက်ရှိပါသည်။ မြိတ်ခရိုင်၊ မြိတ်မြို့နယ်ရှိကျေးရွာများထဲမှ စန္ဒဝတ်၊ ပပြင်၊ အလယ်ချောင်း၊ ဒေါ၊ ကျောက်ဖြူ၊ မရမ်းပင်ချောင်း၊ သမုတ်၊ ပင်းအို၊ လော့လော့၊ နန်းတော်ရာ၊ တုန်းဗျော၊ မဇော၊ သကန်(ရွာဟောင်း)၊ မရင်း၊ တပ်တောင် စသည့်ကျေးရွာတို့တွင် ကွမ်းသီးအများဆုံးထွက်ရှိပြီး မြို့ပေါ်ရှိအဝယ်ဒိုင်ကြီးများမှဝယ်ယူကာ ကွမ်းသီးခြောက်၊ ကွမ်းသီးခြမ်း၊ ကွမ်းသီးပုတ်များဖြင့် ရန်ကုန်၊ မန္တလေးသို့အများဆုံးတင်ပို့ရောင်းချလျက်ရှိရာ အခြားပြည်နယ်နှင့်မြို့များသို့လည်း တင်ပို့ရောင်းချလျက်ရှိကြောင်းသိရှိရပါသည်။ ထိုအပြင် ၎င်းတို့မှတစ်ဆင့် ပြည်ပနိုင်ငံများသို့လည်း တင်ပို့လျက်ရှိကြောင်းသိရှိရပါသည်။
၂၀၂၄ခုနှစ်၊ ဇွန်လ(၂၁)ရက်နေ့မှ (၂၇)ရက်နေ့အထိ မြိတ်ခရိုင်၏ ကွမ်းသီးတင်ပို့မှုသည် (၈၃၃၅၀၀)ပိဿာခန့်ရှိပြီး တန်အားဖြင့် (၁၃၆၁)တန်ခန့်ရှိကြောင်းသိရှိရပါသည်။ ကွမ်းသီးစျေးနှုန်းမှာ ယခုအပတ်တွင် တစ်ပိဿာလျှင် ၅၀၀၀ကျပ်မှ ၅၆၀၀ကျပ်ထိအရောင်းအဝယ်ဖြစ်လျက်ရှိပြီး ကွမ်းသီးခြမ်းမှာ တစ်ပိဿာလျှင် ၄၀၀၀ကျပ်ခန့်ဖြစ်နေကြောင်း ကွမ်းသီးလုပ်ငန်းရှင်ထံမှသိရှိရပါသည်။
DOCA(တနင်္သာရီ)