ပါကစ္စတန်နိုင်ငံ၏ ငါးပုစွန်လုပ်ငန်းတွင် အထင်ကရအောင်မြင်မှုတစ်ခုအဖြစ် Ms Arsala Seafood သည် Muzaffargarh မွေးမြူရေးခြံမှ ပုစွန် ၂၁၆၀၀ကီလိုဂရမ်ကို ဗီယက်နမ်သို့တင်ပို့ခဲ့သည်။ ယင်းသည် ပါကစ္စတန်နိုင်ငံ၏ ပထမဆုံးသောပုစွန်တင်ပို့မှုဖြစ်ပြီး နိုင်ငံတကာပုစွန်ဈေးကွက်တွင် ယှဉ်ပြိုင်နိုင်သူတစ်ယောက်ဖြစ်လာနိုင်စေရန်အတွက် ပထမဆုံးသော ခြေလှမ်းတစ်ရပ်ဖြစ်သည်။ အဆိုပါခြေလှမ်းသည် ပါကစ္စတန်၏ ပင်လယ်စာတင်ပို့မှုအစုစုကို ကွဲပြားစေခြင်းနှင့် ကမ္ဘာ့ငါးပုစွန်မွေးမြူရေးတွင် နိုင်ငံ၏အခန်းကဏ္ဍကိုမြှင့်တင်ရန် အစိုးရ၏ ကတိကဝတ်ကိုထင်ဟပ်စေသည်။ ပါကစ္စတန်ကုန်သွယ်မှုဖွံ့ဖြိုးတိုးတက်ရေးအာဏာပိုင်အဖွဲ့ (TDAP) သည် အခြားသက်ဆိုင်သူများနှင့်ပူးပေါင်းကာ ငါးပုစွန်တင်ပို့ခြင်း၏ အစိတ်အပိုင်းဖြစ်လာစေရန် ညှိနှိုင်းဆောင်ရွက်လျက်ရှိသည်။ မကြာသေးမီက အမေရိကန်နိုင်ငံသည် ပါကစ္စတန်မှ မွေးမြူရေးပုစွန်များအား တင်ပို့မှုကိုခွင့်ပြုပေးခဲ့သည်။ ယင်းနှင့်ပတ်သက်၍ TDAP သည် ဝါရှင်တန်ဒီစီရှိ ကုန်သွယ်ရေးဝန်ကြီးနှင့် အဏ္ဏဝါငါးလုပ်ငန်းဦးစီးဌာန (MFD) တို့ပူးပေါင်းကာ အမေရိကန်သို့ မေးမြူရေးပူစွန်များတင်ပို့မှုအား အရှိန်အဟုန်မြှင့်တင်ဆောင်ရွက်လျက်ရှိသည်။ TDAP ၏ CEO ဖြစ်သူ Zubair Motiwala က စည်းမျဉ်းစည်းကမ်းမူဘောင်များချမှတ်ထားပြီး လယ်သမားများအတွက် ဆက်လက်ပံ့ပိုးမှုများနှင့်အတူ ပါကစ္စတန်သည် ကမ္ဘာ့ပင်လယ်စာဈေးကွက်တွင် ၎င်း၏ဝေစုကိုတိုးမြှင့်လာစေရန် အဆင်သင့်ဖြစ်နေကြောင်းကို အလေးပေးပြောကြားခဲ့ပြီး ဆက်လက်လုပ်ဆောင်နေသော အသိပညာပေးလှုပ်ရှားမှုများ၊ အောင်မြင်သော ပထမဆုံးအကြိမ်တင်ပို့မှုနှင့် အစိုးရအေဂျင်စီများနှင့် ပုဂ္ဂလိကကဏ္ဍတို့အကြား ပူးပေါင်းဆောင်ရွက်မှုများက ပါကစ္စတန်နိုင်ငံအား အမေရိကန်၊ EU နှင့် အခြားဈေးကွက်များတွင် အရည်အသွေးမြင့် ငါးပုစွန်တင်ပို့သူအဖြစ် ရပ်တည်နိုင်လာစေမည်ဖြစ်ကြောင်း ဆက်လက်ပြောကြားခဲ့သည်။
Source : brecorder
DOCA(ရန်ကုန်)