ဧရာဝတီတိုင်းဒေသကြီး၊ စားသုံးသူရေးရာဦးစီးဌာနမှ တာဝန်ရှိသူများသည် ပြည်သူ့ကျန်းမာရေးဦးစီးဌာန၊ စည်ပင်သာယာရေးအဖွဲ့တို့နှင့်အတူ (၁၀.၅.၂၀၂၂) ရက်နေ့၊နံနက် (၁၁:၃၀)အချိန်တွင် မော်လမြိုင်ကျွန်းမြို့နယ်၊ မြို့မဈေး၊ အောင်သာယာဈေး၊ ဆိပ်ကမ်းသာဈေးများအတွင်း ရောင်းချနေသော ဆေးဝါးအရောင်းဆိုင်များအား ကွင်းဆင်းစစ်ဆေးခဲ့ပါသည်။
ထိုသို့စစ်ဆေးရာတွင် ဆေးဝါးအရောင်းဆိုင်များ၌ Bella Plus Plaster များ ဆိုင်တင်ရောင်းချမှု ရှိ/မရှိ ထုတ်လုပ်သည့်နိုင်ငံ၊ ထုတ်လုပ်သည့်ကုမ္ပဏီ၊ တင်သွင်းသည့်ကုမ္ပဏီ၊ ဆေးဝါးမှတ်ပုံတင် အမှတ်နှင့်Import Registration NO. (IR) များ ဖော်ပြခြင်းမရှိဘဲ ဈေးကွက်အတွင်း ရောင်းချမှုရှိ/မရှိ ကွင်းဆင်းစစ်ဆေးခဲ့ပြီး သက်ဆိုင်ရာဆိုင်ရှင်များအား Bella Plus Plaster သတ်မှတ် ညွှန်ကြားချက်များနှင့် ကိုက်ညီမှုမရှိသောဆေးဝါးများ၊ သက်တမ်းလွန်ပစ္စည်းများ၊ ဆေးဝါးမှတ်ပုံတင်ခြင်းမရှိသော ဆေးဝါးများအား ရောင်းချခြင်းမပြုရန် အသိပညာပေးဆွေးနွေးခဲ့ကြောင်း သိရှိရပါသည်။
DOCA(ဧရာဝတီ)