စားသုံးသူရေးရာဦးစီးဌာန၊ ကယားပြည်နယ်ဦးစီးမှူးရုံးမှ ၂၀၂၅ခုနှစ်၊ ဖေဖော်ဝါရီလ(၂၀)ရက် နေ့၊ နံနက်(၁၁:၀၀)နာရီအချိန်တွင် စားသုံးသူရေးရာဦးစီးဌာနမှ ခေတ္တပြည်နယ်ဦးစီးမှူးနှင့် ဝန်ထမ်း (၁)ဦးသည် ကယားပြည်နယ်အသေးစားစက်မှုလက်မှုလုပ်ငန်းဦးစီးဌာန၊ အသေးစားကုန်ထုတ်လုပ်ငန်း ရှင်များအတွက် ဒီဂျစ်တယ်အဆင့်မြှင့်တင်ရေးဆိုင်ရာ အသိပညာ၊ ဗဟုသုတများ၊ နည်းပညာများ နှင့်သက်ဆိုင်သော ဒီဂျစ်တယ်အသိပညာ၊ ခံယူချက်နှင့် အလေ့အကျင့်ဆိုင်ရာသင်တန်း ဖွင့်ပွဲအခမ်း အနား၌ အသေးစားကုန်ထုတ်လုပ်ငန်းရှင် သင်တန်းသား/ သင်တန်းသူများနှင့် အသေးစားစက်မှု လက်မှုလုပ်ငန်းဦးစီးဌာနရှိ ဝန်ထမ်းများ စုစုပေါင်း(၂၅)ဦးကို အွန်လိုင်းစနစ်ဖြင့်ရောင်းချခြင်း လုပ်ငန်း နှင့်စပ်လျဉ်း၍ အသိပညာပေးဟောပြောဆွေးနွေးခဲ့ပါသည်။
အဆိုပါဟောပြောပွဲတွင် စားသုံးသူရေးရာဦးစီးဌာန၊ ခေတ္တပြည်နယ်ဦးစီးမှူး ဦးမိုးညွန့်ဦး မှ ရှေးဦးစွာ စားသုံးသူကာကွယ်ရေးဥပဒေအကြောင်း ရှင်းလင်းဆွေးနွေးရာတွင် စားသုံးသူ၏အခွင့် အရေးနှင့် လိုက်နာရမည့်တာဝန်များ၊ လုပ်ငန်းရှင်၏တာဝန်များ၊ ကုန်စည်နှင့်စပ်လျဉ်း၍အာမခံပေး ထားမှုအပေါ် စားသုံးသူကတောင်းဆိုနိုင်သည့်အခွင့်အရေးများ၊ ဝန်ဆောင်မှုလုပ်ငန်းများ၏ အာမခံချက် နှင့်စပ်လျဉ်း၍ စားသုံးသူကတောင်းဆိုနိုင်သည့်အခွင့်အရေးများ၊ ကုန်အညွှန်းအမှတ်အသားဖော်ပြခြင်း နှင့်စပ်လျဉ်း၍ ကုန်စည်အမျိုးအစားအလိုက်ထည့်သွင်းဖော်ပြရမည့်အချက်အလက်များအား ရှင်းလင်း ဆွေးနွေးခဲ့ပါသည်။
ဆက်လက်၍ အွန်လိုင်းစနစ်ဖြင့် ရောင်းချခြင်းလုပ်ငန်းနှင့်စပ်လျဉ်း၍ ရှင်းလင်းဆွေးနွေးရာ အွန်လိုင်စနစ်ဖြင့် ရောင်းချခြင်းလုပ်ငန်းများဆောင်ရွက်ရာတွင် ကုန်ပစ္စည်း ထုတ်လုပ်ရောင်းချသူများ အနေဖြင့် အွန်လိုင်းစနစ်ဖြင့် ရောင်းချရာတွင် မှတ်ပုံတင်နိုင်ရေးအတွက်ဆောင်ရွက်ရမည့်နည်းလမ်း များအား ဆွေးနွေးရာတွင် ကြိုတင်ပြင်ဆင်ထားသင့်သည့်အချက်အလက်များ၊ လျှောက်ထားရာတွင် သတိပြုရမည့်အချက်များ၊ ကုန်စည်အုပ်စုနှင့် ဝန်ဆောင်မှုအုပ်စု သတ်မှတ်ချက်များ၊ e-ComReg System ဖြင့် အွန်လိုင်းစနစ်ဖြင့်ရောင်းချခြင်း မှတ်ပုံတင်လက်မှတ်လျှောက်ထားခြင်း၊ ထုတ်ယူပုံအဆင့်ဆင့်အား အကျယ်တဝင့် ရှင်းလင်းအသိပညာပေးဆောင်ရွက်ခဲ့ကြောင်းသတင်းရရှိပါ သည်။
DOCA(ကယား)