အွန်လိုင်းမှတစ်ဆင့် ရောင်းချရာတွင် စားသုံးသူနစ်နာမှုမရှိစေရေးအတွက် စီးပွားရေး လုပ်ငန်းရှင်များ လိုက်နာဆောင်ရွက်နိုင်ရေးအလုပ်ရုံဆွေးနွေးပွဲကို စားသုံးသူရေးရာဦးစီးဌာန၊ ရန်ကုန်တိုင်းဒေသကြီးဦးစီးမှူးရုံးတွင် ဖေဖော်ဝါရီလ ၂၅ ရက်နေ့က ကျင်းပပြုလုပ်ခဲ့ပါသည်။ အခမ်းအနားကို စားသုံးသူရေးရာဦးစီးဌာန၊ ရန်ကုန်တိုင်းဒေသကြီးဦးစီးမှူး ဦးကျော်ကျော် လွင်နှင့်တကွ အရာထမ်း၊အမှုထမ်းများ၊ သက်ဆိုင်ရာဌာနများမှ တာဝန်ရှိသူများနှင့် ဖိတ်ကြားထားသော စီးပွားရေးလုပ်ငန်းရှင်များ တက်ရောက်ခဲ့ကြပါသည်။ အခမ်းအနား စတင်ချိန်တွင် စားသုံးသူရေးရာဦးစီးဌာန၊ ရန်ကုန်တိုင်းဒေသကြီးဦးစီးမှူး ဦးကျော်ကျော်လွင် က ပွဲကျင်းပရသည့် ရည်ရွယ်ချက်နှင့်ပတ်သတ်၍ အဖွင့်စကားပြောကြားခဲ့ပါသည်။ ထို့နောက် ရန်ကုန်မြို့တော်စည်ပင်သာယာရေးကော်မတီ၊ စီမံရေးရာဌာနမှ ဒုတိယညွှန်ကြား ရေးမှူး ဦးသိုက်စိုး၊ ဈေးများနှင့်ကုန်စည်ပွဲရုံများဌာနမှ ညွှန်ကြားရေးမှူး ဦးသန့်စင်ထွန်း၊ ပြည်သူ့ကျန်းမာရေးဌာနမှ ဒုတိယညွှန်ကြားရေးမှူးချုပ် ဒေါက်တာမြင့်သန်းထွန်း၊ တိရိစ္ဆာန် ဆေးကုနှင့် ထုတ်လုပ်ရေးဌာနမှ ညွှန်ကြားရေးမှူး ဒေါက်တာလှမေဦး၊ အစားအသောက်နှင့် ဆေးဝါးကွပ်ကဲရေးဦးစီးဌာနမှ ညွှန်ကြားရေးမှူး ဒေါက်တာမင်းဝန်တို့က ဌာနဆောင်ရွက်မှု များနှင့်ပတ်သတ်၍ ရှင်းလင်းပြောကြားခဲ့ပါသည်။ ဆက်လက်၍ စားသုံးသူရေးရာဦးစီးဌာန၊ ရန်ကုန်တိုင်းဒေသကြီးဦးစီးမှူးရုံးမှ လက်ထောက်ညွှန်ကြားရေးမှူး ဒေါ်ဝါဝါခိုင်က အွန်လိုင်း စနစ်ဖြင့် ရောင်းချခြင်းလုပ်ငန်းများ၊ မှတ်ပုံတင်လက်မှတ်လျှောက်ထားခြင်း၊ မြေပြင်စစ်ဆေး ခြင်းနှင့်ပတ်သတ်၍ ဆွေးနွေးတင်ပြခဲ့ပါသည်။ ထို့နောက် အခမ်းအနားတက်ရောက်သည့် လုပ်ငန်းရှင်များက သိလိုသည်များကိုမေးမြန်းခဲ့ကြပြီး စားသုံးသူရေးရာဦးစီးဌာန၊ ရန်ကုန် တိုင်းဒေသကြီးဦးကျော်ကျော်လွင်က နိဂုံးချုပ်အမှာစကားပြောကြားကာ အခမ်းအနားပြီး မြောက်ခဲ့ပါသည်။
DOCA(ရန်ကုန်)