ကော့မှူးမြို့နယ်၊ မတ်လ (၃) ရက်
ရန်ကုန်တိုင်းဒေသကြီး၊ တွံတေးခရိုင်၊ ကော့မှူးမြို့နယ် စည်ပင်သာယာမြို့မဈေး အတွင်း/ အပြင်၊ ရပ်ကွက်အတွင်းရှိ ဆန်အမျိုးအစား အမျိုးမျိုးတို့အား ဖြန့်ဖြူးရောင်းချလျက်ရှိ သော ဆန်ဆိုင်များတွင် ရွှေဘိုပေါ်ဆန်း၊ ဧရာဝတီပေါ်ဆန်း ဆန်ချောအမျိုးအစားများအား ဆန်ကြမ်းများဖြင့် ရောနှောရောင်းချခြင်းရှိ/မရှိ ဖေဖော်ဝါရီလ (၂၇)ရက်နေ့၊ နံနက်(၀၉:၃၀)နာရီ အချိန်တွင် ကွင်းဆင်းစစ်ဆေးခဲ့ကြောင်း သိရသည်။
အဆိုပါကွင်းဆင်းစစ်ဆေးခဲ့ရာတွင် မြို့နယ်ဆန်စပါး ကုန်သည်ကြီးများ အသင်းမှအတွင်း ရေးမှူး၊ မြို့နယ်စည်ပင်သာယာရေးအဖွဲ့မှ တာဝန်ရှိသူများ၊ မြို့နယ်စားသုံးသူရေးရာဦးစီးဌာနမှ မြို့နယ်တာဝန်ခံတို့ ပူးပေါင်းအဖွဲ့သည် ဆန်အမျိုးအစား အမျိုးမျိုးတို့အား ဖြန့်ဖြူးရောင်းချ ပေးလျက်ရှိသော ရုံ(ဈ) အမှတ် (၁၉/၂၀) စည်ပင်သာယာမြို့မဈေးအတွင်းရှိ မိဘရိပ်ဆန်ဆိုင်နှင့် အမှတ်(၁၁၉) စည်ပင်လမ်း ပြည်တော်သာရပ်ကွက်ရှိ ရတနာလွင် ဆန်ဆိုင်များရှိ ဆိုင်ပိုင်ရှင် စီးပွား ရေးလုပ်ငန်းရှင်များနှင့် တွေ့ဆုံ၍ မိမိတို့၏ ဆိုင်ဈေးကွက်အတွင်း ဝယ်ယူဖြန့်ဖြူးရောင်းချပေးလျက် ရှိသော ရွှေဘိုပေါ်ဆန်း၊ ဧရာဝတီပေါ်ဆန်း ဆန်ချောအမျိုးအစားတို့တွင် ဆန်ကြမ်းများ ရောနှောပြီး စားသုံးသူပြည်သူများထံ ဖြန့်ဖြူးရောင်းချခြင်းရှိ/မရှိ ကွင်းဆင်းစစ်ဆေးခြင်းနှင့် စားသုံးသူရေးရာ ဦးစီးဌာနမှ ထုတ်ပြန်ထားသော သင့်တင့်မျှတသည့် ဆန်ဈေးကွက်ဈေးနှုန်း သတ်မှတ်ရည်ညွှန်းဈေး ထက် ဆန်ကြမ်း၊ ဆန်ချောဈေးနှုန်းတို့ ပိုမိုဖြန့်ဖြူးရောင်းချခြင်းများ မပြုလုပ်ကြရန် စားသုံးသူ ကာကွယ်ရေး အသိပညာပေးဆွေးနွေး ပြောကြားခဲ့ပြီး ဆန်ကြမ်း၊ ဆန်ချောများ ဝယ်ယူရရှိမှု အခြေအနေနှင့် ပြန်လည်ဖြန့်ဖြူးရောင်းချနေမှု အခြေအနေများအား ကွင်းဆင်းစစ်ဆေးခဲ့ကြောင်း သိရသည်။
DOCA(ရန်ကုန်)