(၄.၃.၂၀၂၅)ရက်နေ့ နေ့လည်(၁:၀၀)အချိန်မှစ၍ စားသုံးသူရေးရာဦးစီးဌာန၊ မြောက်ပိုင်းခရိုင် ဦးစီးမှူးရုံးမှ ဝန်ထမ်းများ၊ အထူးစုံစမ်းစစ်ဆေးရေးဦးစီးဌာနမှ စုံစမ်းရေးမှူးတို့လိုက်ပါ၍ ရွှေပြည်သာ မြို့နယ်ရှိ စားအုန်းဆီလက်လီအရောင်းဆိုင်များသို့ ကွင်းဆင်းစစ်ဆေးခြင်းလုပ်ငန်းများ ဆောင်ရွက် ခဲ့ပါသည်။
ထိုသို့ ဆောင်ရွက်ခဲ့ရာတွင် ရွှေပြည်သာမြို့နယ်၊ ပတ္တမြားဈေးမှ ဈေးတာဝန်ခံပါ ပူးပေါင်း ဆောင်ရွက်လျှက် ဈေးအတွင်းရှိ လက်လီဆိုင်(၄)ဆိုင်နှင့် ရပ်ကွက်အတွင်းရှိ လက်လီဆိုင်(၅)ဆိုင်တို့ အား ကွင်းဆင်းစစ်ဆေးခဲ့ရာ သတ်မှတ်ရည်ညွှန်းဈေးအတိုင်း ရောင်းချပေးပြီး စာအုပ်စနစ်ဖြင့် အိမ်ထောင်စုတစ်စုလျှင် (၁)ပတ်ကို (၅၀)ကျပ်သားနှုန်းဖြင့် တစ်လလျှင် (၂)ပိဿာရရှိမှာဖြစ်ပြီး ရောင်းချချိန်ကိုလည်း ဆီကားအဝင်ပြီးတည်းက ညနေပိုင်းအထိ ရောင်းချပေးကြောင်း၊ နေ့စဉ် အရောင်းစာရင်းကိုလည်း ရေးသွင်းထားခြင်း စစ်ဆေးတွေ့ရှိရပြီး မိမိတို့ဌာနမှလည်း နာရေးအတွက် အကူအညီလိုပါက စားသုံးသူပြည်သူများ ရောင်းချပေးရန်၊ တိုင်ကြားချက်များမရှိအောင်လည်း ဂရု စိုက်ဆောင်ရွက်စေလိုကြောင်း၊ သတ်မှတ်ချက်များအား လိုက်နာမှုမရှိပါက စီမံခန့်ခွဲရေးနည်းလမ်း အရ အရေးယူဆောင်ရွက်သွားမည်ဖြစ်ကြောင်း အသိပေးပြောကြားခဲ့ကြောင်း သိရှိရပါသည်။
DOCA(ရန်ကုန်)