မကွေးမြို့ပေါ်ရှိ စက်သုံးဆီဆိုင်များတွင် ဆီသိုလှောင်ထားရှိမှု၊ အခြင်အတွယ်၊ ရောင်းဝယ်မှုနှင့် စျေးနှုန်းများ မှန်ကန်မှုရှိစေရေး ပူးပေါင်းအဖွဲ့ဖြင့် ကွင်းဆင်းစစ်ဆေးခြင်း

           မကွေးတိုင်းဒေသကြီး၊ မကွေးခရိုင်၊ မကွေးမြို့ပေါ်ရှိ စက်သုံးဆီများအား ဆီသိုလှောင်ထားရှိမှု အခြေအနေများ၊ အခြင်အတွယ်ရောင်းဝယ်မှုနှင့် စျေးနှုန်းများ မှန်ကန်မှုရှိစေရေး၊  အရည်အသွေးပြည့်ဝစေရေးတို့အတွက် မကွေးမြို့နယ် စီမံအုပ်ချုပ်ရေးအဖွဲ့ဥက္ကဌနှင့် အဖွဲ့ဝင်များ၊ မြန်မာနိုင်ငံရဲတပ်ဖွဲ့၊ စက်သုံးဆီဆိုင်များ ကြီးကြပ်မှုကော်မတီ၊ မီးသတ်တပ်ဖွဲ့နှင့် စားသုံးသူရေးရာဦးစီးဌာနမှ ဦးမျိုးဝင်း(ဒု-ခရိုင်ဦးစီးမှူး)တို့သည် (၉.၆.၂၀၂၂)ရက်နေ့ (၁၅:၀၀)မှ (၁၇:၀၀)နာရီထိ မင်းထက်ကြွယ်၊ ဆယ်စုသစ်၊ Five Star ၊ ဖိုးရာဇာ၊ Denko  နှင့် Regency  စက်သုံးဆီဆိုင်များသို့ ကွင်းဆင်းစစ်ဆေးခဲ့ပါသည်။

            ထိုသို့ကွင်းဆင်းစစ်ဆေးရာတွင် စက်သုံးဆီဆိုင်များမှ စက်သုံးဆီသိုလှောင်ကန်များအား သတ်မှတ်ထားသည့် လမ်းညွှန်ချက်များအတိုင်း ဆောင်ရွက်ထားရှိမှု ရှိ/မရှိ၊ ဆီသိုလှောင်ကန်များတွင် စက်သုံးဆီများ သိုလှောင်ထားရှိမှုအခြေအနေများ၊ စက်သုံးဆီရောင်းဝယ်ရာတွင် အခြင်အတွယ်၊ အရည်အသွေး၊ စျေးနှုန်း မှန်ကန်မှုရှိစေရေး၊ စက်သုံးဆီများအား သိုလှောင်ကန်များတွင် ထားရှိပြီး စျေးနှုန်းကစားမှုမရှိစေရေးနှင့် ပြည်သူများ၏ လိုအပ်ချက်အတိုင်း စနစ်တကျရောင်းဝယ်ပေးရေးတို့အား ရှင်းလင်းပြောကြားခဲ့ရာ စက်သုံးဆီဆိုင်များမှ ဆိုင်ကယ်တစ်စီးလျှင်(၃၀၀ဝိ/-)ဖိုးနှင့် ကားတစ်စီးလျှင် (၁၀၀၀ဝိ/- ၊ ၁၅၀၀ဝိ/-) ကျပ်ဖိုးအထိ စနစ်တကျရောင်းချကြောင်း သိရှိရပါသည်။

DOCA(မကွေး)