ကမ္ဘောဒီးယားနိုင်ငံ အနေဖြင့် ၂၀၂၅ ခုနှစ် ပထမ ၂ လအတွင်း ဆန်နှင့်စပါးတင်ပို့မှုမှ ဝင်ငွေ အမေရိကန်ဒေါ်လာ သန်း ၄၂၀ ခန့် ရရှိခဲ့သည်ဟု ကမ္ဘောဒီးယားဆန်စပါးအသင်းချုပ် (CRF) က မတ် ၁၂ ရက်နေ့တွင် အစီရင်ခံဖော်ပြခဲ့ပါသည်။
ကမ္ဘောဒီးယားနိုင်ငံသည် ဇန်နဝါရီလမှ ဖေဖော်ဝါရီလအထိ ဆန် ၁၃၅၀၇၄ တန် တင်ပို့နိုင် ခဲ့ရာ ယခင်နှစ် အလားတူကာလ၌ တင်ပို့မှု ၉၀၁၅၃ တန်အပေါ် ၄၉ ဒသမ ၈ ရာခိုင်နှုန်း ပိုမို တိုးတက်ခဲ့ပြီး ဝင်ငွေအားဖြင့် ၆၂ ရာခိုင်နှုန်း တိုးတက်လျက် အမေရိကန်ဒေါ်လာ ၁၀၆ သန်း ရရှိခဲ့ ကြောင်း CRF ၏ အစီရင်ခံစာတွင် ဖော်ပြထားပါသည်။
ဆန်တင်ပို့သည့် ကုမ္ပဏီ ၄၄ ခုမှ ဈေးကွက်နေရာဒေသ ၅၁ ခုသို့ တင်ပို့ခဲ့ခြင်းဖြစ်ပြီး ယင်း တို့အနက် ဥရောပရှိ ၂၅ နိုင်ငံသို့ စုစုပေါင်း ဆန်တန်ချိန် ၇၃၀၄၈ တန်၊ တန်ဖိုးအားဖြင့် ဒေါ်လာ ၅၈ ဒသမ ၅၃ သန်း၊ ဟောင်ကောင်နှင့် မကာအိုအပါအဝင် တရုတ်နိုင်ငံသို့ တင်ပို့မှုမှာ တန်ချိန်အားဖြင့် ၁၆၅၀၀ တန်နှင့် တန်ဖိုးအားဖြင့် ဒေါ်လာ ၁၀ ဒသမ ၄၇ သန်း၊ အာဆီယံ ၄ နိုင်ငံသို့ ဒေါ်လာ ၁၆ ဒသမ ၆၆ သန်း တန်ဖိုးရှိ ဆန် ၂၃၂၉၇ တန်နှင့် အာဖရိက၊ အရှေ့အလယ်ပိုင်းဒေသ၊ အမေရိကန်၊ ကနေဒါ၊ သြစတြေးလျနှင့် နယူးဇီလန်တို့ အပါအဝင် အခြားနိုင်ငံပေါင်း ၂၀ သို့ တန်ဖိုးအားဖြင့် ဒေါ်လာ ၁၉ ဒသမ ၈၇ သန်းရှိသော ဆန် ၂၂၂၂၉ တန်တို့ကို အသီးသီး တင်ပို့နိုင်ခဲ့ကြောင်း သိရ ပါသည်။
ပြည်ပသို့ တင်ပို့သည့်ဆန်များအနက် ဆန်မွှေး ၈၆ ဒသမ ၀၃ ရာခိုင်နှုန်း၊ ဆန်ဖြူ ၈ ဒသမ ၆၅ ရာခိုင်နှုန်း၊ ပေါင်းဆန် ၂ ဒသမ ၉၉ ရာခိုင်နှုန်း၊ အော်ဂဲနစ်ဆန် ၁ ဒသမ ၈၇ ရာခိုင်နှုန်းနှင့် အခြားဆန်မျိုးကွဲ ၀ ဒသမ ၄၆ ရာခိုင်နှုန်းတို့ ဖြစ်ကြောင်း သိရပါသည်။
CRF အသင်းချုပ် ဥက္ကဋ္ဌ Chan Sokheang က ဆန်တင်ပို့မှု တိုးတက်လာခြင်းသည် လက်ရှိ ရရှိထားသည့်ဈေးကွက်နှင့် စျေးကွက်အသစ်များတွင် အပြုသဘောဆောင်သည့် ပြောင်းလဲမှုကို ပြသနေကြောင်း၊ ၎င်းတို့ အနေဖြင့် လက်ရှိဈေးကွက်များသို့ ကုန်ပစ္စည်းတင်ပို့မှု တိုးချဲ့သည့် နည်းတူ စျေးကွက်အသစ်များ ရယူနိုင်ရန်လည်း ကြိုးစားလုပ်ဆောင်ခဲ့ပါကြောင်း၊ ဆန်တင်ပို့မှု တိုးမြှင့်ရေး အကောင်းဆုံးဖြစ်အောင် ဆက်လက် ကြိုးပမ်းလုပ်ဆောင်သွားမည် ဖြစ်ကြောင်း ပြော ကြားခဲ့သည်။
ကမ္ဘောဒီးယားနိုင်ငံ အနေဖြင့် ၂၀၂၅ ခုနှစ် ပထမ ၂ လအတွင်း နယ်စပ်ဖြတ်ကျော်၍ စပါး တန်ချိန် ၁ ဒသမ ၃၉ သန်း တင်ပို့ခဲ့ရာ ယခင်နှစ် ကာလတူနှင့် နှိုင်းယှဉ်ပါက ၁ ဒသမ ၄ ရာခိုင်နှုန်း တိုးတက်လာခဲ့ပါသည်။ သို့သော်လည်း တန်ဖိုးအားဖြင့်မူ ယခင်နှစ် အလားတူကာလ၌ စပါးတင်ပို့ မှုမှ ဒေါ်လာ ၃၉၅ သန်း ရရှိခဲ့ရာမှ ယခုနှစ်တွင် ဒေါ်လာ ၃၁၃ သန်းသာ ရရှိလျက် ၂၀ ရာခိုင်နှုန်း ကျဆင်းခဲ့ကြောင်း သိရှိရပါသည်။
ကမ္ဘာ့ဆန်ဖြူ တင်ပို့မှု ဈေးကွက်၌ အကျပ်အတည်းဖြစ်ပေါ်မှုကြောင့် ကမ္ဘောဒီးယား၏ စပါးတင်ပို့မှု ဝင်ငွေသည်လည်း ကျဆင်းလာကြောင်း၊ ဗီယက်နမ်နိုင်ငံသည် ယခုနှစ် အစောပိုင်း တွင် စပါးဝဘ်ဓတင်သွင်းမှုကို ခေတ္တရပ်ဆိုင်းခဲ့ရာ ကမ္ဘောဒီးယား လယ်သမားများသည် ၎င်းတို့၏ စပါးများကို ဈေးကွက်ပေါက်ဈေးထက် လျှော့ချ၍ ရောင်းချခဲ့ကြရကြောင်း၊ လယ်သမားများထံမှ စပါးများဝယ်ယူခြင်းဖြင့် အဆိုပါပြဿနာကို ဖြေရှင်းနိုင်ရန်အတွက် ကမ္ဘောဒီးယား အစိုးရသည် ဆန်စက်လုပ်ငန်းရှင်များသို့ အမေရိကန်ဒေါ်လာ သန်း ၁၅၀ အား ရန်ပုံငွေခွဲဝေပေးအပ်ခဲ့ကြောင်း၊ ထို့အပြင် အစိုးရသည် နိုင်ငံတကာဈေးကွက်များသို့ တိုက်ရိုက်တင်ပို့မှု မြှင့်တင်နိုင်ရန်အတွက် သက်ဆိုင်ရာ ၀န်ကြီးဌာနများနှင့် ပူးပေါင်းဆောင်ရွက်ခြင်းကို ပိုမိုအလေးထားဆောင်ရွက်ရန် CRF အား တိုက်တွန်းထားကြောင်း သိရပါသည်။
Source: Khmer Times, 13 Mar 2025(လယ်ယာထွက်ကုန်များနှင့် အဓိကသွင်းကုန်များ၏ နိုင်ငံတကာဈေးကွက်စောင့်ကြည့်လေ့လာရေးအဖွဲ့)