မအူပင်မြို့၊ အသေးစားစက်မှု လုပ်ငန်းဦးစီးဌာနတွင် ၂၀-၃-၂၀၂၅ရက်နေ့၊ နေ့လယ် ၁၄:၀၀နာရီအချိန်၌ စားသုံးသူရေးရာဦးစီးဌာန၊ မအူပင်ခရိုင်ဦးစီးမှူးနှင့် ဝန်ထမ်းများ အွန်လိုင်းရောင်း ဝယ်မှုဆိုင်ရာ စားသုံးသူ အသိပညာပေးဟောပြောခဲ့ကြောင်း သိရသည်။
အဆိုပါဟောပြောပွဲတွင် ခရိုင်းဦးစီးမှူး ဦးဇော်မင်းက အသိပညာပေး ကျင်းပရခြင်း၏ ရည်ရွယ်ချက်ကို ရှင်းလင်းပြောကြားပြီး စီးပွားရေးနှင့်ကူးသန်းရောင်းဝယ်ရေးဝန်ကြီးဌာနသည် အရေးကြီးကုန်စည်နှင့်ဝန်ဆောင်မှု ဥပဒေ ပုဒ်မ ၄ ပုဒ်မခွဲ (ဂ) အရ အွန်လိုင်းစနစ်ဖြင့် ရောင်းချခြင်းလုပ်ငန်းကို အရေးကြီး ဝန်ဆောင်မှု လုပ်ငန်းအဖြစ် သတ်မှတ်လိုက်သည့် အတွက် အွန်လိုင်းစနစ်ဖြင့် ရောင်းချသော လုပ်ငန်းများမှ အွန်လိုင်မှတ်ပုံတင်ပြီးသော လုပ်ငန်းများမှသာ သတိပြုဝယ်ယူအသုံးပြုရန်၊ ဧရာဝတီတိုင်းအတွင်း တိုင်ကြားမှုနှင့်ပတ်သက်၍ ငွေရေးကြေးရေး ဝန်ဆောင်မှု၊ ဆက်သွယ်ရေးဝန်ဆောင်မှု၊ Wifi အင်တာနက်ပြတ်တောက်သည့် ဝန်ဆောင်မှု ရှိခဲ့များနှင့် Online Shopping ပတ်သက်၍ ကုန်စည်နှင့် ဝန်ဆောင်မှု တိုင်ကြားလာမှု အခြေအနေများကိုလည်းကောင်း ရှင်းလင်းဆွေးနွေးခဲ့ပြီး Online Shopping နှင့်ပတ်သက်၍ နစ်နာဆုံးရှုံးမှုများ မဖြစ်ပေါ်စေရေးအတွက် စားသုံးသူပြည်သူများအနေဖြင့် Online မှ ဝယ်ယူခြင်းမပြုမီ သတိပြုရမည့်အချက်များဖြစ်သော အွန်လိုင်းရောင်းဝယ်မှုလုပ်ငန်း မှတ်ပုံတင်ထားမှုရှိ၊ မရှိစိစစ်ခြင်း၊ မိမိဝယ်ယူမည့် Page (သို့) Website သည် စားသုံးသူများအကြား နာမည်ဂုဏ်သတင်း ကောင်းမွန်မှုရှိ၊ မရှိစိစစ်ခြင်း၊ ငွေပေးချေမှုစနစ်နှင့်စပ်လျဉ်း၍ သေသေချာချာစိစစ်ခြင်း၊ ကုန်စည်ပို့ဆောင်မှုစနစ်နှင့်စပ်လျဉ်း၍ မေးမြန်းစိစစ်ခြင်း၊ ကြည်ရှု၍ ဝယ်ယူသင့်ကြောင်းနှင့် Onlineစတစ်ဖြင့် ကုန်စည်နှင့် ဝန်ဆောင်မှုများနှင့် ပတ်သက် ၍ စားသုံးသူများနစ်နာဆုံးရှုံးမှုများရှိပါက တိုင်ကြားနိုင်သည့်နည်းလမ်းများ အကြောင်းကို ရှင်းလင်းဆွေးနွေး ခဲ့ကြောင်း သတင်းရရှိသည်။
DOCA(ဧရာဝတီ)