၂၂.၃.၂၀၂၅ ရက်နေ့ နေ့လည်(၁၄:၃၀)နာရီအချိန်တွင် စားသုံးသူရေးရာဦးစီးဌာန၊ မြောက်ပိုင်း ခရိုင်ဦးစီးမှူးရုံးမှ ဝန်ထမ်းများသည် အင်းစိန်မြို့နယ်အတွင်းရှိ သန့်စင်စတိုးတွင် အသင့်သောက် ကော်ဖီထုပ်များတွင် ကုန်အညွှန်းအမှတ်အသားပြည့်စုံခြင်းရှိ/မရှိကို ကွင်းဆင်း စစ်ဆေးခြင်းလုပ်ငန်း များ ဆောင်ရွက်ခဲ့ပါသည်။
ထိုသို့ စစ်ဆေးခဲ့ရာတွင် သန့်စင်စတိုးမှ အရောင်းတာဝန်ခံ ဒေါ်သူဇာဦးမှ ပူးပေါင်း ပါဝင်လျက် ရောင်းချလျက်ရှိသော ပြည်တွင်းထုတ်အသင့်သောက် ကော်ဖီအမျိုးအစားများ ဖြစ်သည့် OLDTOWN၊ BEST၊ PREMIER(Strong Coffee)၊ RICH (ခရမ်မီကော်ဖီမစ်)၊ RICH (ကာပူချီနို)၊ Super Diet Coffee တို့မှာ အထုပ်(၁၀)၊ အထုပ်(၂၀)၊ အထုပ်(၃၀)ပါ အသင့်သောက် ကော်ဖီ မစ်ထုပ်များကို စားသုံးသူ ပြည်သူများ ဘေးအန္တရာယ်ကင်းရှင်းစွာ သုံးစွဲနိုင်ရေး ၊ ဈေးကွက်အတွင်း ဖြစ်သင့်ဖြစ်ထိုက်သည့် ဈေးနှုန်းများနှင့် လွယ်ကူစွာ ဝယ်ယူရရှိနိုင်ရေး ပစ္စည်းပျက်လက်မှုမရှိစေရေးနှင့် ကုန်ပစ္စည်းများ တွင် ကုန်အညွှန်းအမှတ်အသား ပြည့်စုံသော ကုန်စည်များကို ဖြန့်ဖြူးရောင်းချကြရန် အသိပညာပေးခြင်း အပေါ် ဈေးကွက်စောင့်ကြည့် စစ်ဆေးခဲ့ကြောင်း သိရှိရပါသည်။
DOCA(ရန်ကုန်)