ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ ဖျာပုံခရိုင်၊ ဖျာပုံမြို့နယ် စစ်ဆေးရေးမှူးသည် စည်ပင်သာယာရေးအဖွဲ့မှဝန်ထမ်းနှင့်အတူ ဇွန်(၁၅)ရက် နေ့နံနက်( ၁၀:၀၀ ) နာရီတွင်မုန့်မျိုး စုံဆိုင်နှင့် စတိုးဆိုင်များအား ပြည်တွင်း၌ထုတ်လုပ်သောကုန်စည်များ၊ ပြည်ပမှတင်သွင်းသော ကုန်စည်များနှင့် စပ်လျဉ်း၍ ဈေးကွက်မရောက်မီ (သို့မဟုတ်) ဈေးကွက်ရောက်ပြီးကုန်စည်ကို ဘေးအန္တရာယ်ရှိ/မရှိ စောင့်ကြည့်စစ်ဆေးခြင်း၊ ကုန်အညွှန်း အမှတ်အသားတွင် ဖော်ပြရမည့် အချက်များပါဝင်မှု ရှိ/မရှိ ဈေးကွက်စောင့်ကြည့်စစ်ဆေးခြင်းများ ဆောင်ရွက်ခဲ့ကြောင်း သိရသည်။
အဆိုပါဆိုင်များအား စစ်ဆေးရာတွင် စတိုးဆိုင်၌ အိုင်အိုးဒင်းဆားထုပ်ပေါ်တွင် မြန်မာစာသားမပါရှိဘဲ ထိုင်းဘာသာစာသားများ ဖော်ပြထားသဖြင့် စားသုံးသူကာကွယ်ရေးဥပဒေပါပြဌာန်းချက်များအား လိုက်နာဆောင်ရွက်နိုင်ရန် ရှင်းလင်းဆွေးနွေးခဲ့ပြီး စားသုံးသူပြည်သူများတစ်စုံတစ်ရာအန္တရာယ်ဖြစ်ပေါ်ပါက နစ်နာမှုရှိနိုင်သဖြင့် ပူးပေါင်းပါဝင်လိုက်နာဆောင်ရွက်ပေးရန် သတိပေးခဲ့ပြီး ထပ်မံစစ်ဆေးတွေ့ရှိပါက ဧရာဝတီတိုင်းဒေသကြီး စားသုံးသူရေးရာကော်မတီသို့ တင်ပြ၍ စားသုံးသူကာကွယ်ရေးဥပဒေနှင့်အညီ အရေးယူနိုင်ရေးဆောင်ရွက်သွားမည်ဖြစ်ကြောင်း သတင်းရရှိပါသည်။
DOCA(ဧရာဝတီ)