ဧရာဝတီတိုင်းဒေသကြီး၊ ဟင်္သာတခရိုင်၊ ဟင်္သာတမြို့တွင်(၁၁.၆.၂၀၂၂)ရက်နေ့ နံနက်(၁၀:၀၀) နာရီအချိန်၌ မြို့နယ်အထွေထွေအုပ်ချုပ်ရေးဦးစီးဌာန၊ ဒုမြို့နယ်အုပ်ချုပ်ရေးမှူး ဦးမျိုးမင်းစိုး၊ စားသုံးသူရေးရာဦးစီးဌာန၊ မြို့နယ်အခွန့်ဦးစီးဌာန၊ မြို့နယ်စိုက်ပျိုးရေးဦးစီးဌာန၊ မြို့နယ်စည်ပင်သာယာ ရေးအဖွဲ့၊ မြို့နယ်ရဲတပ်ဖွဲ့တို့ပါဝင်သော ပူးပေါင်းအဖွဲ့သည် တယ်လီဖုန်းနှင့် ဆက်စပ်ပစ္စည်းများ၊ မော်တော်ဆိုင်ကယ်အရောင်းဆိုင်များတွင် တရားမဝင်တင်သွင်းလာသောကုန်စည်များ ရောင်းချနေမှုရှိ/မရှိရှောင်တခင် ကွင်းဆင်း စိစစ်ခဲ့ပါသည်။
ထိုသို့ ကွင်းဆင်းစိစစ်ခဲ့ရာတွင် ဟင်္သာတမြို့နယ်ရှိ တရားမဝင်တင်သွင်းလာသော တယ်လီဖုန်းနှင့် ဆက်စပ်ပစ္စည်းများ၊ မော်တော်ဆိုင်ကယ်များ ဈေးကွက်အတွင်း ရောင်းချမှုမရှိစေရေးနှင့် လိုင်စင်မဲ့ ရောင်းချခြင်း၊ တရားမဝင်(သယ်ဆောင်/သိုလှောင်)ခြင်း မရှိစေရေးတို့အတွက် ကွင်းဆင်းစစ်ဆေးခဲ့ပြီး ဆိုင်ရှင်များအား တရားဝင်တင်သွင်းလာသော ကုန်စည်များကိုသာရောင်းချရေး၊ သွင်းကုန်ညွှန်ကြားလွှာပါ ကုန်စည်စာရင်းအတိုင်း တင်သွင်းရောင်းချရေးကိုလည်း ဆွေးနွေးအသိပေးခဲ့ပြီး မြို့ပေါ်ရပ်ကွက်ရှိ မော်တော်ဆိုင်ကယ် အရောင်းဆိုင်(၅)ဆိုင်နှင့် တယ်လီဖုန်းနှင့်ဆက်စပ်ပစ္စည်းများ အရောင်းဆိုင်(၅)ဆိုင်တို့ကို ကွင်းဆင်းစိစစ်ဆောင်ရွက်ခဲ့ကြကြောင်း သိရှိရပါသည်။
DOCA(ဧရာဝတီ)