ခရီးသွားလုပ်ငန်း ကျဆင်းလာခြင်းကြောင့် ထိုင်းနိုင်ငံ၏ စီးပွားရေးသည် ဖေဖော်ဝါရီလတွင် အနည်းငယ်နှေးကွေးလာ

     အဓိကအားဖြင့်ခရီးသွားလုပ်ငန်း၊ ကုန်ထုတ်လုပ်မှုနှင့် ပုဂ္ဂလိကရင်းနှီးမြှုပ်နှံမှုများ ကျဆင်းမှုကြောင့် ထိုင်းနိုင်ငံ၏ စီးပွားရေးသည် ဖေဖော်ဝါရီလတွင် လစဉ်နှေးကွေးလာကြောင်း ဗဟိုဘဏ် က မတ် ၃၁ ရက်နေ့ထုတ်ပြန်ချက်အရ သိရသည်။ တရုတ်နှစ်သစ်ကူးပွဲတော်အတွင်း ခရီးသွား ဧည့်သည်များ ဘေးအန္တရာယ်ကင်းရှင်းရေးဆိုင်ရာ စိုးရိမ်မှုများနှင့်အတူ လာရောက်လည်ပတ်သူ နည်းပါးလာခြင်းကြောင့် နိုင်ငံခြားခရီးသည်ဝင်ရောက်မှုနှင့် ခရီးသွားပြေစာ အရေအတွက်သည် အစောပိုင်းလကထက် ကျဆင်းသွားခဲ့သည်။ အထူးသဖြင့် ဟိုတယ်နှင့် စားသောက်ဆိုင်များတွင် သာမက ခရီးသည်ပို့ဆောင်ရေးနှင့် ဆက်စပ်သော ဝန်ဆောင်မှုလုပ်ငန်းများကိုပါ ကျဆင်းစေခဲ့ ကြောင်း ဗဟိုဘဏ်၏ အကြီးတန်းဒါရိုက်တာ Pranee Sutthasri က ပြောသည်။ ကုန်သွယ်မှုနှင့် ကုန်စည်ပို့ဆောင်ရေးကဲ့သို့သော ကုန်ထုတ်လုပ်မှုဆိုင်ရာ ဝန်ဆောင်မှုလုပ်ငန်းများသည် လူသုံး ကုန်ပစ္စည်းများရောင်းချမှုနှင့် ထုတ်လုပ်မှု နည်းပါးခြင်းတို့နှင့်အတူ ကျဆင်းသွားခဲ့ကြောင်း Pranee သတင်းစာရှင်းလင်းပွဲတွင် ပြောကြားခဲ့သည်။ သို့သော်လည်း တင်ပို့မှုမှာ အမျိုးအစားများ စွာ၊ အထူးသဖြင့် မော်တော်ယာဥ်၊ အီလက်ထရွန်းနစ်နှင့် အဖိုးတန်သတ္တုများတွင် မြင့်တက်ခဲ့ သည်။ ခရီးသွားလုပ်ငန်းနှင့် ဝန်ဆောင်မှုကဏ္ဍများသည် ထိုင်းစီးပွားရေးကို ဆက်လက်မောင်းနှင် ရန် မျှော်လင့်ထားကြောင်း သူမကမှတ်ချက်ပြုခဲ့သည်။ သို့သော် ဖွဲ့စည်းပုံဆိုင်ရာအချက်များ၊ ပြင်းထန်သောပြိုင်ဆိုင်မှုနှင့် ကုန်သွယ်မှုမူဝါဒများတွင် မရေရာမသေချာမှုများသည် ကုန်စည် တင်ပို့မှုနှင့် စက်မှုကုန်ထုတ်မှုကဲ့သို့သော ကဏ္ဍအချို့ကို ဆက်လက်ဖိအားပေးလျက်ရှိသည်။ 

Source : Xinhua     

DOCA(ရန်ကုန်)