ပဲခူးတိုင်းဒေသကြီး ၊ စားသုံးသူရေးရာဦးစီးဌာနမှ ခရိုင်ဦးစီးမှူး ဦးအောင်သိန်း၊ မြို့နယ်တာဝန်ခံနှင့် ဝန်ထမ်းများသည် (၁၇.၆.၂၀၂၂) ရက်နေ့တွင် သာယာဝတီခရိုင် ၊ နတ်တလင်းမြို့နယ် စည်ပင်အပြင်ဘက် ရန်ကုန်-ပြည် ကားလမ်းဘေးရှိ စက်သုံးဆီဖြန့်ဖြူးရောင်းချသည့် အရောင်းဆိုင်များဖြစ်သော လပ်တီးဇုန်၊ ယွန်းယွန်း၊ ဖြိုးမောက်ပြည့်စုံဆီအရောင်းဆိုင်တို့အား ဈေးကွက်စောင့်ကြည့် စစ်ဆေးခြင်း လုပ်ငန်းများကို လုပ်ဆောင်ခဲ့ပါသည်။
၎င်းစက်သုံးဆီအရောင်းဆိုင်များအား ရည်ညွှန်းဈေးနှုန်းထက် (လျော့နည်း/ပိုမို) ရောင်းချခြင်း ရှိ/မရှိ ၊ စက်သုံးဆီအမျိုးအစားအလိုက် ရောင်းချသည့် ဈေးနှုန်းများ ၊ အကန့်အသတ်ဖြင့် ရောင်းချမှု ရှိ/မရှိ ၊ နေ့စဉ် ပုံမှန်ရောင်းချခြင်း ရှိ/မရှိ ၊ သတ်မှတ်ထားသော ဈေးနှုန်းဖြင့် ရောင်းချပေးခြင်း ရှိ/မရှိ ၊ စက်သုံးဆီ ဘောက်ဆာယာဉ်များ ရောက်ရှိမှု ရှိ/မရှိ တို့ကို ဆီဆိုင်လုပ်ငန်းရှင်များနှင့် တွေ့ဆုံမေးမြန်း ဆောင်ရွက်ခဲ့ပါသည်။
DOCA(ပဲခူး)