စားသုံးသူရေးရာဦးစီးဌာန၊ မွန်ပြည်နယ်၊ ရေးမြို့နယ် တာဝန်ခံသည် မြို့နယ် ပြန်ကြားရေးနှင့်ပြည်သူ့ဆက်ဆံရေးဦးစီးဌာနနှင့် ပူးပေါင်း၍ ပြန်ကြားရေးနှင့်ပြည်သူ့ ဆက်ဆံရေးဦးစီးဌာန ခန်းမ၌ ၂၂.၆.၂၀၂၂ ရက်နေ့ ၁၀၀၀ နာရီတွင် စားသုံးသူ ကာကွယ်ရေးဆိုင်ရာ အသိပညာပေးဆွေးနွေးပွဲ (Talk Show) ပြုလုပ်ခဲ့ပါသည်။
အဆိုပါ Talk Show ပြုလုပ်ရာတွင် မြို့နယ်ပြန်ကြားရေးနှင့်ပြည်သူ့ဆက်ဆံရေး ဦးစီးဌာနမှ ဦးစီးအရာရှိ သိမ့်သိမ်ရည် က ရေးမြို့နယ်တွင် စားသုံးသူကာကွယ်ရေးဆိုင်ရာ အသိပညာပေး (Talk Show) ပြုလုပ်ရခြင်း ရည်ရွယ်ချက်အား ရှင်းလင်းဆွေးနွေးခဲ့ပြီး ရေးမြို့နယ်တာဝန်ခံက ဒေါ်အိဖြိုးက စားသုံးသူရေးရာဦးစီးဌာန၏ Vision ၊ Mission များ၊ စားသုံးသူအခွင့်အရေးနှင့်တာဝန်များ၊ ကုန်စည်၊ ဝန်ဆောင်မှုနှင့် စပ်လျဉ်း၍ အာမခံ ပေးထားမှုအပေါ် စားသုံးသူကတောင်းဆိုနိုင်သည့် အခွင့်အရေးများ၊ ကုန်စည်၊ ဝန်ဆောင်မှုနှင့် စပ်လျဉ်း၍ စားသုံးသူနစ်နာမှုဖြစ်ပေါ်လျှင် တိုင်ကြားနိုင်သည့်အကြောင်းအရာများ၊ တိုင်ကြားနိုင်သည့် နည်းလမ်းများ၊ Consumer Call Center ဖုန်းနံပါတ်များ စသည် တို့အား ဆွေးနွေးခဲ့ကြောင်း သိရှိရပါသည်။
DOCA(မွန်)