ဓနုဖြူမြို့နယ်၊ သပြုကျေးရွာအုပ်စု အုပ်ချုပ်ရေးမှူးရုံးတွင် မြို့နယ် ဌာနဆိုင်ရာအဖွဲ့များနှင့်အတူ သပြုကျေးရွာအုပ်စုနှင့် ရေလဲကျေးရွာအုပ်စုတို့ရှိ အုပ်ချုပ်ရေးမှူး၊ စာရေးနှင့် အုပ်ချုပ်ရေးအဖွဲ့များ၊ နှင့် တွေ့ဆုံ၍ စားသုံးသူအခွင့်အရေး ထိခိုင်နစ်နာမှုရှိပါက အလွယ်တကူတိုင်ကြားလို့ရသော ၁၅၃၅ call center အကြောင်း အများပြည်သူ သိရှိစေရန် အတွက် လက်တွေ့ဆက်သွယ်ဆောင်ရွက်ခြင်း ဥပမာပေးခြင်း ဟောပြောဆွေးနွေးမှုကို ၂၀-၅-၂၀၂၅ ရက်နေ့ နေ့လည်(၁၄၀၀)နာရီက ကျင်းပပြုလုပ်ခဲ့သည်။
ဟောပြောရာတွင် စားသုံးသူရေးရာဦးစီးဌာန၊ ဓနုဖြူမြို့နယ်ဦးစီးမှူး ဦးဝင်းမင်းစိုးက စားသုံးသူကာကွယ်ရေး ဥပဒေအကြောင်း၊ စားသုံးသူကာကွယ်ရေးလုပ်ငန်းစဉ်အကြောင်းကိုရှင်းလင်းခြင်း၊ ကုန်စည်/ဝန်ဆောင်မှု၊ စားသုံးသူ၊ စီးပွားရေးလုပ်ငန်းရှင်တို့၏ တာဝန်နှင့် အခွင့်အရေးတို့ကို အကျယ်တဝင့် ရှင်းလင်းခြင်း ပြည်သူများအနေဖြင့် စားသုံးသူရေးရာဦးစီးဌာနနှင့်ပတ်သက်သော သတင်းအချက်အလက်များကို အလွယ်တကူ မေးမြန်းစုံစမ်း နိုင်ရန်အတွက်လည်းကောင်း၊ ကုန်စည်နှင့်ဝန်ဆောင်မှုများ ဝယ်ယူသုံးစွဲရာတွင် နစ်နာဆုံးရှုံးမှုကြုံရပါက ဌာနသို့ အလွယ်တကူဆက်သွယ်တိုင်ကြားနိုင်ရန်အတွက်လည်းကောင်း၊ လုပ်ငန်းရှင်များအနေဖြင့် မိမိတို့၏ ကုန်စည်/ ဝန်ဆောင်မှုများ ထုတ်လုပ်၊ ဖြန့်ဖြူး၊ ရောင်းချရာတွင် ကုန်အညွှန်းအမှတ်အသားအပါအဝင် လိုက်နာဆောင် ရွက်ရမည့်အချက်များကို အလွယ်တကူ စုံစမ်းနိုင်ရန်အတွက်လည်းကောင်း ရည်ရွယ်၍ စားသုံးသူရေးရာ ဦးစီးဌာနအနေဖြင့် Consumer Call Center ဝန်ဆောင်မှုကို ဆောင်ရွက်ပေးလျက်ရှိရာ Consumer Call Center နံပါတ် ၁၅၃၅ သို့ Telenor ၊ Mytel နှင့် Ooredoo User များအပြင် MPT Sim Card User များလည်း ခေါ်ဆိုနိုင်ပြီဖြစ်ပါကြောင်း ကျေးရွာနေပြည်သူများ အဆင်ပြေစွာဆက်သွယ်လုပ်ဆောင်နိုင်ရန် လက်တွေ့ဆောင်ရွက်ခြင်းများ ပြုလုပ်ခဲ့ကြောင်း သိရပါသည်။
DOCA(ဧရာဝတီ)