(၂၁.၅.၂၀၂၅)ရက်နေ့၊နံနက်(၁၀း၀၀)နာရီအချိန်တွင် မြိတ်မြို့နယ်အထွေထွေအုပ်ချုပ်ရေးဦးစီးဌာန၊ အစည်းအဝေးခန်းမ၌ ကျင်းပသော စိုက်ပျိုးစရိတ်ချေးငွေများအချိန်မီထုတ်ချေးပေးနိုင်ရေးအစည်းအဝေးအား စားသုံးသူရေးရာဦးစီးဌာန၊ မြိတ်ခရိုင်ဦးစီးမှူး ဦးမျိုးဝင်းမှ တက်ရောက်ခဲ့ ပါသည်။
အဆိုပါအခမ်းအနားတွင် ၂၀၂၅-၂၀၂၆ခုနှစ်၊ ဘဏ္ဍာရေးနှစ်အတွက် တောင်သူလယ်သမား များအား ၂၀၂၅ ခုနှစ် မိုးရာသီစိုက်ပျိုးစရိတ်ချေးငွေများ အချိန်မီထုတ်ချေးပေးနိုင်ရေးအတွက် (၁၅.၉.၂၀၂၅)ရက်နေ့ နောက်ဆုံးထား၍ ထုတ်ချေးပေးရန်၊ မြို့နယ်မြေစာရင်းဦးစီးဌာနမှ တောင်သူ လယ်သမားတစ်ဦးချင်း၏ ဧကများအား အမှတ်တကယ်ပိုင်ဆိုင်မှု ရှိ/မရှိ စီစစ်ထောက်ခံချက်များ ပြုလုပ်ပေးရန်နှင့် သက်ဆိုင်ရာအဖွဲ့ဝင်များမှလည်း ပူးပေါင်းဆောင်ရွက်ပေးကြပါရန်တို့ကို ညှိနှိုင်း ဆွေးနွေးခဲ့ကြောင်း သတင်းရရှိပါသည်။
DOCA(တနင်္သာရီ)