ပဲခူးတိုင်းဒေသကြီး ၊ စားသုံးသူရေးရာဦးစီးဌာန ၊ သာယာဝတီခရိုင် ၊ ကြို့ပင်ကောက်မြို့နယ်အတွင်း ကျေးလက်နေပြည်သူများ လူမှုစီးပွားဘဝ တိုးတက်စေရန်နှင့် အလုပ်အကိုင်အခွင့်အလမ်းများ ရရှိစေရန် ရည်ရွယ်ပြီး စိုက်ပျိုးရေး ၊ မွေးမြူရေး ၊ ကုန်ထုတ်လုပ်မှု ကဏ္ဍဖွံ့ဖြိုးတိုးတက်စေရေးအတွက် ကျေးရွာအုပ်စု (၄၉) အုပ်စု ၊ ကျေးရွာ (၂၇၇)ရွာအနက် သတ်မှတ်ချက်နှင့် ကိုက်ညီသည့် ကျေးရွာ (၃၀)အား ( ဧပြီ ၊ မေ ၊ ဇွန်)လများတွင် အသိပညာပေး ဟောပြောခြင်းများ ဆောင်ရွက်ပြီးစီးခဲ့ကြောင်း သိရှိရပါသည်။
ယခု ဇူလိုင်လပထမပတ်တွင် ကျောက်ဝအုပ်စု ၊ ကျောက်ဝကျေးရွာ ၊ ကျွန်းနက်ကုန်းအုပ်စု ၊ ရွှေပန်းတောကျေးရွာနှင့် ကန်ကြီးအုပ်စု တောရကျေးရွာတို့မှ တောင်သူ၁၁၀ ဦးတို့အား စားသုံးသူရေးရာဦးစီးဌာနမှ ဒေါ်အေးအေးမွန်နှင့် ဒေါ်အေးအေးမော်တို့သည် စားသုံးသူကာကွယ်ရေး ဥပဒေပါ အကြောင်းအရာများနှင့် ဌာန၏ ယခုကာလတွင် ပြုလုပ်နေရသည့် ပြည်တွင်းကုန်သွယ်မှု ဖွံ့ဖြိုးတိုးတက်စေရေးအတွက် ဆောင်ရွက်နေသည့် လုပ်ငန်းစဉ်များနှင့် စျေးကွက်စောင့်ကြည့် စစ်ဆေးခြင်း လုပ်ငန်းများအကြောင်း ၊ စားသုံးသူများ ဝယ်ယူသုံးစွဲသည့် ကုန်စည်များတွင် ကုန်အညွှန်း အမှတ်အသား ပြည့်စုံစွာပါရှိမှသာ ဝယ်ယူသုံးစွဲကြရန် ၊ နစ်နာမှုများရှိလာပါက တိုင်ကြား နိုင်သည့် နည်းလမ်းများကို ဆွေးနွေးဟောပြောခဲ့ပြီး လက်ကမ်းစာစောင်များ ဖြန့်ဝေခဲ့ပါကြောင်း သတင်းရရှိပါသည်။
DOCA(ပဲခူး)