ပဲခူးတိုင်းဒေသကြီး၊ စားသုံးသူရေးရာဦးစီးဌာန၊ ညောင်လေးပင်ခရိုင်ဦးစီးမှူးရုံးအနေဖြင့် စားသုံးသူကာကွယ်ရေးလုပ်ငန်းများ၊ ကုန်ဈေးနှုန်းတည်ငြိမ်ရေးလုပ်ငန်းများကို အင်တိုက်အားတိုက် ဆောင်ရွက်လျက်ရှိရာ ၂၃.၅.၂၀၂၅ ရက်နေ့၌ ဒိုက်ဦးမြို့နယ်တာဝန်ခံ ဦးကျော်သက်မိုးသည် ဒိုက်ဦး မြို့ပေါ်တွင် စီးကရက်အစားထိုး Vape ရောင်းချမှုမရှိစေရေး မြို့နယ်ဆေးဝါးကြီးကြပ်ရေးအဖွဲ့စုံနှင့် အတူ ကွင်းဆင်းစစ်ဆေး ဆောင်ရွက်ခဲ့ကြောင်း သတင်းရရှိပါသည်။
ကွင်းဆင်းစစ်ဆေးရာတွင် ဒိုက်ဦးမြို့နယ်ဆေးဝါးကြီးကြပ်ရေးအဖွဲ့ဝင်များဖြစ်ကြသော မြို့နယ်အထွေထွေအုပ်ချုပ်ရေးဦးစီးဌာန၊ မြို့နယ်ကျန်းမာရေးဦးစီးဌာန၊ မြို့နယ်စည်ပင်သာယာရေးအဖွဲ့၊ မြို့နယ်ရဲတပ်ဖွဲ့တို့နှင့်အတူ ဒိုက်ဦးမြို့ပေါ်ရှိ ဈေးဆိုင်များအား စီးကရက်များနှင့် ဆေးရွက်ကြီး သောက်သုံးခြင်း၏ ဆိုးကျိုးများ၊ ဥပဒေအရ ကလေးသူငယ်များအား ရောင်းချခြင်းမပြုရန်၊ စီးကရက်အစားထိုး Vape ရောင်းချမှုမရှိစေရေး အသိပညာပေးဟောပြော ဆောင်ရွက်ခဲ့ကြောင်း သတင်းရရှိပါသည်။
DOCA(ပဲခူး)