ပဲခူးတိုင်းဒေသကြီး၊ စားသုံးသူရေးရာဦးစီးဌာန၊ ပဲခူးတိုင်းဒေသကြီးဦးစီးမှူးရုံး၏ လမ်းညွှန်မှု၊ ညောင်လေးပင်ခရိုင်ဦးစီးမှူးရုံး၏ ကြီးကြပ်မှုတို့ဖြင့် ကျောက်တံခါးမြို့နယ်တာဝန်ခံ ဒေါ်တင်တင်စန်းနှင့် ဒုဦးစီးမှူး ဒေါ်ဇင်မာထွေးတို့သည် ၂၆.၅.၂၀၂၅ ရက်နေ့တွင် ကျောက်တံခါးမြို့နယ်အတွင်းရှိ စားသောက်ဆိုင်များအား မြေပြင်ကွင်းဆင်း စစ်ဆေးခဲ့ကြောင်း သတင်းရရှိပါသည်။
ကျောက်တံခါးမြို့နယ်တာဝန်ခံ ဒေါ်တင်တင်စန်းနှင့် ဒုဦးစီးမှူး ဒေါ်ဇင်မာထွေးတို့သည် ကျောက်တံခါးမြို့ပေါ်ရှိ “ကောင်းထက်သာ”စားသောက်ဆိုင်အား စစ်ဆေးရာတွင် မြို့နယ်တာဝန်ခံက စားသုံးသူကာကွယ်ရေးဥပဒေပါ စီးပွားရေးလုပ်ငန်းရှင်များ၏ တာဝန်နှင့် ဝတ္တရားများအကြောင်း၊ စားသောက်ဆိုင်လုပ်ငန်းဖြစ်သည့်အတွက် သန့်ရှင်းသပ်ရပ်မှုကို အလေးထားရန်၊ စားသုံးသူ ပြည်သူများကို ရောင်းချရာတွင်လည်း ဈေးနှုန်းနှင့် ထိုက်တန်သည့် ဝန်ဆောင်မှုပေးရန်၊ ရောင်းချသည့် အစားအသောက် များ၏ အမျိုးအစား၊ အရွယ်အစားနှင့် အသားတင်ပမာဏအလိုက် ဈေးနှုန်းများကို စားသုံးသူပြည်သူများအား ပွင့်လင်းမြင်သာစွာ ကြိုတင်အသိပေးဖော်ပြထားရန်၊ စားသုံးသူကာကွယ်ရေး ဥပဒေပါပြဌာန်းချက်များကို လိုက်နာဆောင်ရွက်ရန် အသိပညာပေး ဟောပြောခဲ့ကြောင်း သတင်း ရရှိပါသည်။
DOCA(ပဲခူး)