မြင်းခြံမြို့၊ အေးမြသီတာဈေးရှိ အသားငါးတန်းများတွင် ကြက်သား၊ ဝက်သား၊ အမဲသား၊ ငါးမျိုးစုံရောင်းချလျက်ရှိရာ ငါးကြင်းချစ်(အသား)သည်လည်းဈေးကွက်တွင် လူကြိုက်များ၍ စားသုံး မှုများသောကြောင့် အရောင်းအဝယ်သွက်လျက်ရှိကြောင်းသိရသည်။ ငါးကြင်းခြစ်အသား (၂၅)ကျပ် သားလျှင် (၆၀၀၀)ကျပ်၊ တစ်ပိဿာလျှင်(၂၄၀၀၀)ကျပ်ဖြင့် ဒေသတွင်းအရောင်း အဝယ်ဖြစ် လျက်ရှိကြောင်း၊ နေ့စဉ် ငါးကြင်းခြစ်အသား (၅-၇ပိဿာ)ခန့် ပုံမှန်ရောင်းချရကြောင်း၊ ရန်ကုန်မြို့ ၊ကြည့်မြင်တိုင်ဈေးမှ တင်သွင်းပြီး မြင်းခြံဈေးကွက်တွင် ဖြန့်ဖြူးရောင်းချကြောင်း၊ ငါးကြင်းခြစ် အသားသည် အရိုးလွတ်သောကြောင့် လူကြိုက်များပြား၍ နေ့စဉ်အဝယ်ဖြစ်ကြောင်း၊ ငါးရောင်းချသူ တစ်ဦး၏ ပြောပြချက်အရသိရှိရသည်။ ကျန်းမာရေးအကျိုးကျေးဇူးအနေဖြင့် ငါးစားသုံးရာတွင် ပရိုတိန်း၊ အိုမီဂါ(၃)၊ဖက်တီးအက်ဆစ်၊ ဗီတာမင်နဲ့သတ္တုဓာတ်များ ကြွယ်ဝစွာပါဝင်ပြီး၊ ဇင့်ဓာတ် ပါဝင်၍ ကိုယ်ခံအားစနစ်ကိုမြှင့်တင် ပေးသောကြောင့် သန့်ရှင်းလတ်ဆတ်ပြီး အာဟာရပြည့်ဝ သော ငါးကြင်းခြစ်အသားများကို ကျက်အောင်ချက်ပြီး စားသုံးရန်လိုအပ်ကြောင်း သိရှိရသည်။
DOCA(မန္တလေး)