စားသုံးသူရေးရာဦးစီးဌာန၊ မန္တလေးတိုင်းဒေသကြီး၊မိတ္ထီလာခရိုင်၊ ခရိုင်ဦးစီးမှူး၏ လမ်းညွှန်မှု ဖြင့် သာစည်မြို့နယ်တာဝန်ခံနှင့် ဝန်ထမ်းများသည် ၂၀၂၅ ခုနှစ်၊ မေလ ၁၆ ရက်နေ့တွင် သာစည်မြို့ ပေါ်ရှိ စိုက်ပျိုးရေးအရောင်းဆိုင်များ၌ အထွေထွေအုပ်ချုပ်ရေးဦးစီးဌာန၊မြို့နယ်စိုက်ပျိုးရေးဦးစီးဌာန၊ မြို့နယ် ကျန်းမာရေးဦးစီးဌာန၊ မြို့နယ်စည်ပင်သာယာရေးအဖွဲ့ပါဝင်သော ပူးပေါင်းအဖွဲ့ဖြင့် သာစည် မြို့ပေါ်ရှိ စိုက်ပျိုးရေးပစ္စည်းအရောင်းဆိုင်များ၌ ကွင်းဆင်းစစ်ဆေးခဲ့ပါသည်။
ထိုသို့ ကွင်းဆင်းစစ်ဆေးခဲ့ရာတွင် စိုက်ပျိုးရေးအရောင်းဆိုင်များ၌ တရားမဝင်ပိုးသတ်ဆေးနှင့် ပေါင်းသတ်ဆေးများရှိ/မရှိ၊ CPA သတ်တမ်းလွန်နေခြင်း ရှိ/မရှိ၊ ရောင်းချခွင့် လိုင်စင်များ ရှိ/မရှိ၊ စိုက်ပျိုးရေးဆေးရောင်းချသူများသည် စိုက်ပျိုးရေးမှဖွင့်လှစ်သော သင်တန်းများ တက်ရောက် ထားခြင်းရှိ/မရှိစစ်ဆေးခဲ့ကြောင်း၊ စိုက်ပျိုးရေးအရောင်းဆိုင်များမှ စိုက်ပျိုးရေးသုံးပစ္စည်းများ ရောင်းချ ရာတွင် လက်အိတ်၊ mask များတပ်ဆင်၍ ရောင်းချရေး ၊ ဆေးကြောရန် ရေဘေစင် များထားရှိရေး၊ ရောင်းချသည့် အရောင်းဆိုင်များ၏ လေဝင်၊လေထွက် ကောင်းမွန်စေရန် ၊ ဆေးရောင်းချသည့် ဆိုင်များအတွင်း ကလေးသူငယ်များနှင့် အစားသောက်များ မထားရှိရေး ၊သက်ဆိုင်ရာ ဥပဒေလုပ်ထုံး လုပ်နည်း စည်းကမ်းချက်များနှင့်အညီ လိုက်နာဆောင်ရွက်နိုင်ရေး အသိပေးပြောကြားခဲ့ကြောင်း သတင်း ရရှိပါသည်။
DOCA(မန္တလေး)