မွန်ပြည်နယ်၊ သထုံမြို့ပေါ်ရှိ ဆိုင်ကယ်အရောင်းဆိုင်များ၌ လိုင်စင်မဲ့နှင့် လိုင်စင် သက်တမ်းလွန်ဆိုင်ကယ်များ ရောင်းချနေခြင်း ရှိ/မရှိအား မြို့နယ်စီမံအုပ်ချုပ်ရေးအဖွဲ့ ဥက္ကဋ္ဌနှင့် တာဝန်ရှိသူများပူးပေါင်းကာ ၃၀.၅.၂၀၂၅ ရက်နေ့ နံနက်ပိုင်းက ရှောင်တခင် လိုက်လံစစ်ဆေးခဲ့ကြကြောင်း သိရသည်။
လိုက်လံစစ်ဆေးရာတွင် မြို့နယ်စီမံအုပ်ချုပ်ရေးအဖွဲ့ဥက္ကဋ္ဌ ဦးဇော်မိုးစိုးနှင့်အဖွဲ့ဝင်များ ဦးဆောင်မှုဖြင့် ခရိုင်ကုန်းလမ်းပို့ဆောင်ရေးဦးစီးဌာန၊ ခရိုင်ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ မြို့နယ်စားသုံးသူရေးရာဦးစီးဌာန၊ မြို့နယ်အခွန်ဦးစီးဌာန၊ မြို့နယ်စည်ပင်သာယာရေးအဖွဲ့၊ မြို့နယ်ရဲတပ်ဖွဲ့၊ သက်ဆိုင်ရာရပ်ကွက်အုပ်ချုပ်ရေးမှူးများနှင့် တာဝန်ရှိသူများပူးပေါင်းကာ သိမ်ကုန်းရပ်ကွက်နှင့် အောက်ကျင်းရပ်ကွက်တို့ရှိ ဆိုင်ကယ်နှင့် ဆိုင်ကယ်ပစ္စည်းအရောင်းဆိုင် ၄ ဆိုင်တို့အား လိုင်စင်မဲ့ဆိုင်ကယ်များ ရောင်းချခြင်းရှိ/မရှိနှင့် လိုင်စင်သက်တန်းလွန် ဆိုင်ကယ်များ ရှိ/မရှိတို့ကို ရှောင်တခင် စစ်ဆေး၍ သတ်မှတ်စည်းကမ်းများနှင့်အညီ ရောင်းချရေး၊ ဆိုင်ကယ်ဝယ်ယူသူတိုင်းအား ဆိုင်ကယ်စီးဦးထုပ်များ တစ်ပါတည်းရောင်းချပေးရေးတို့ကို ဆွေးနွေးမှာကြားခဲ့ကြကြောင်း သိရသည်။
DOCA (မွန်)