ဧရာဝတီတိုင်းဒေသကြီး၊ မအူပင်ခရိုင်၊ မအူပင်မြို့နယ်တွင်း မော်တော်အရောင်းစင်တာ ရောင်းချနေမှု လုပ်ငန်းများတွင် သတ်မှတ်ချက် လိုင်စင်များ ရှိ/မရှိနှင့် သက်တမ်းတိုးလုပ်ငန်းဆောင်ရွက်နိုင်ရန်ကို မြေပြင်စစ်ဆေးခြင်း ၂၆-၅-၂၀၂၅ ရက်နေ့က မအူပင်မြို့နယ် မြို့ရှောင်လမ်းမပေါ်တွင် ဖွင့်လှစ်ထားသော မြတ်ကားရောင်းဝယ်ရေး စင်တာကို ကွင်းဆင်း၍ သွားရောက်ကြည့်ရှု စစ်ဆေးခဲ့ကြသည်။
ကွင်းဆင်းစစ်ဆေးရာတွင် မအူပင်ခရိုင်၊ စားသုံးသူရေးရာဦးစီးဌာနမှ ခရိုင်ဦးစီးမှူး ဦးဇော်မင်းက မော်တော်ယာဉ် အရောင်းပြခန်းများ ကားဖွင့်လှစ်ရောင်းနေမှု အခြေအနေများကို လုပ်ငန်းတာဝန်ရှိသူနှင့် တွေ့ဆုံ၍ မေးမြန်းဆောင်ရွက်ခဲ့ပြီး မော်တော်ကားရောင်းချမှုမှာ ၂၀၂၄ခုနှစ်တည်းက ကားများ မှာယူရရှိမှု မရှိကြောင်း မော်တော်ယာဉ်တင်သွင်းခွင့်လက်မှတ် ရှိ/မရှိကို စစ်ဆေးခြင်း၊ အဆိုပါ လက်မှတ်သက်တမ်းကုန်ဆုံးမှု ရှိ/မရှိကို စစ်ဆေးခြင်းတို့ကိုဆောင်ရွက်ခဲ့ပြီး မအူပင်မြို့နယ်တွင် ဖွင့်လှစ် ထားသော ကားအရောင်းစင်တာတွင် အခြားသောသက်ဆိုင်ရာလိုင်စင်များပြည့်စုံစွာပါရှိပြီး ရန်ကုန်မှတဆင့် ပြန်လည်လက်ခွဲအရောင်းစင်တာဖြစ်သဖြင့် မော်တော်ယာဉ်တင်သွင်းခွင့် လိုင်စင်သည် ရန်ကုန်အရောင်းစင်တာမှ လိုင်စင်ဆောင်ရွက်ပြီး ဆောင်ရွက်ထားကြောင်း သိရှိရပြီး လုပ်ငန်းစစ်ဆေးမှု အဆင့်ဆင့်ကို စိစစ်တင်ပြဆောင်ရွက်သွားမည်ဖြစ်ကြောင်း အသိပညာပေး ဆွေးနွေးခဲ့ကြသည်။
DOCA(ဧရာဝတီ)